Uppskotið leggjast fram aftur

bannari
26.10.2018 - 10:51
AktueltPolitikkur
Uppskotið leggjast fram aftur
Andstøðuflokkarnir siga, at teir fara at krevja uppskotið lagt fram aftur, um Framsókn tekur tað aftur.
 

Tekur Framsókn nógv umrødda uppskotið um kvotaskipanina aftur, verður tað lagt aftur á tingborð.

Andstøðuflokkarnir siga, at teir fara at krevja uppskotið lagt fram aftur, um Framsókn tekur tað aftur. 

- Taka tey uppskotið aftur, so leggja vit tað fram aftur, sigur Jørgen Niclasen og leggur afturat, at andstøðuflokkarnir hava gjørt uppskot, sum verður lagt fram, um at varðveita fiskidagar. 

- Vit halda ikki, tað er gott nokk, at bara útseta skiftið í eitt ár. Vit halda, at fiskidagaskipanin framhaldandi skal vera galdandi, sigur formaðurin í Sjálvstýri, Jógvan Skorheim. 

Bill Justinussen, tinglimur fyri Miðflokkin, sigur, at væntandi leggur onkur í andstøðuni fram aftur, tí tað eru nógv í andstøðuni, sum eru samd um, at tað ikki skal farast undir eina kvotuskipan longu 1. januar.

Andstøðan arbeiðir eisini sjálv við einum uppskoti um at sleppa kvotaskipanini.

- Andstøðan arbeiðir við einum máli, sum líkist tí, sum Framsókn hevur lagt fram, sigur Bárður á Steig Nielsen, formaður í Sambandsflokkinum. Hoyr teir fýra andstøðutinglimirnir úttala seg í ljóðbrotinum omanfyri.

Tingfundur verður ikki aftur fyrr enn næsta fríggjadag, og tá er bert framløga á skránni. Løgtingsskrivstovan skal hava uppskot, sum skulu viðgerast í hesum árinum, í seinasta lagi á midnátt í kvøld.

Í næstu viku verður fundur í Norðurlandaráðnum. Hann verður í Oslo.


 

 
Nýggjastu sendingar í ÚV
Týsdag 20. august
Summartímin týsdagin 20. august
97842
Týsdag 20. august
Minibarrin 20. august
97836
Týsdag 20. august
Í fótafari Paulusar - 12. partur
97829
Týsdag 20. august
VAR tað ella VAR tað ikki
97818
Nýggjastu sendingar í SV
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257