Synagoga í Pennsylvania álopin

Synagoga í Pennsylvania álopin
Ellivu fólk hava latið lív. Maðurin, ið framdi illgerðina, er handtikin.
Donald Trump sigur seg harmast álopið á synagoguna
Mynd: savnsmynd  
 
28.10.2018 - 09:34

Ellivu fólk eru deyð í einum vápnaðum álopi á eina synagogu í býnum Pittsburgh í amerikanska statinum Pennsylvania.

Maðurin, ið leyp á synagoguna í gjár, varð handtikin á staðnum. Hann er 46 ára gamla gamal og fekk sjálvur skaða, tá løgreglan kom á staðið.

Umframt tey deyðu hava onnur, sum vóru í synagoguni, fingið skaða - tvey av teimum álvarsliga.

Fýra politistar fingu eisini skaða, tá roynt varð at steðga álopinum.

Jødafíggindalig róp

Hildið verður at maðurin, ið skjeyt, var einsamallur um illgerðina. Meðan hann skjeyt, rópti hann m.a., at allir jødar skulu doygga.

Fólkini í synagoguni vóru komin saman at halda sabbatin. Enn er ikki upplýst, hvussu nógv fólk vóru í synagoguni, tá ið hon varð álopin.

Donald Trump, forseti, hevur sagt álopsmannin vera svakan, og at hann - við gerð síni - hevur sett eina skoru undir lógina um deyðarevsing.

Donald Trump segði skottilburðin hava lítið við vápnalógina og løttu atgongdina til skotvápn at gera.

- Hevði synagogan havt vaktarfólk hevði støðan verið øðrvísi, segði forsetin, og hann legði seinni aftrat, at í USA verður antisemitisma ikki told.

-----
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585