Fiskirættindi longd við lóg eitt ár til 2027

30.10.2018 - 11:46
AktueltPolitikkur
Fiskirættindi longd við lóg eitt ár til 2027
Lógarbroyting skal til fyri at leinga fiskirættindi á nýggjárinum
Tað verður mett at vera misálit á Høgna Hoydal, at Framsókn er farin inn á hansara málsøki við einum lógaruppskoti.
 

Einasta lógarbroyting, sum kom úr Fiskimálaráðnum, áðrenn freistin fór at lata løgtinginum uppskot um lógir, sum skulu koma í gildi á nýggjárinum, var um at leingja galdandi fiskirættindi.

Sambært lógini um sjófeingi eru rættindini at fiska, sum vórðu latin 1.januar í ár, galdandi í átta ár, til 1.januar 2026.

Í lógini stendur eisini, at á hvørjum ári leggur landsstýrismaðurin í fiskivinnumálum uppskot fyri løgtingið um, at gildistíðin á rættindum skal leingjast eitt ár. 

Tað verður nú gjørt. 

Lógarbroytingin er, at rættindini verða galdandi til 1.januar 2027, tað er framvegis í átta ár. 

Óvissa um kvoturnar

Umsitingarætlaninar, sum sigast vera á veg úr Fiskimálaráðnum, eru uppskot til samtyktar og tí bindur tíðarfreistin tey ikki.

Sambært lógini skulu trolarar og línuskip fáa kvotur í staðin fyri fiskidagar á nýggjárinum.

Men Framsókn, sum er í samgonguni, hevur lagt lógaruppskot fyri tingið um at útseta kvotuskipanina til 1.januar 2020.

Framsókn

Framsókn hevur tó lovað at tikið uppskotið aftur, um Høgni Hoydal sjálvur kemur við einum uppskoti um at leingja fiskidagaskipanina.

Men sama, hvat Framsókn ger, verður uppskotið liggjandi í løgtinginum. 

Tí flokkar í andstøðuni hava sagt, at teir taka málið upp aftur, tekur Framsókn tað aftur. 

 
Nýggjastu sendingar í ÚV
Leygardag 17. august
Úr Fámjin til Trongisvágs (2:3)
97730
Fríggjadag 16. august
"Kveik Ung" verkstova
97734
Fríggjadag 16. august
Minibarrin 16. august
97723
Nýggjastu sendingar í SV
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257
Mikudag 7. august
Úr savninum: Frætt & fregnað (5:11)
16490