Eysturríki vil ikki hava avtalu um fólkaflyting

31.10.2018 - 10:27
AktueltÚtheimurin
Eysturríki vil ikki hava avtalu um fólkaflyting
Eysturríki fer at gera sum USA og Ungarn og verður ikki partur av ST-sáttmálanum um fólkaferðing.
Eysturríkski kanslarin, Sebastian Kurz.
 

Reuters skrivar, at høgrastjórnin í Eysturríki óttast fyri, at ST-sáttmálin fer at káma markið millum lógliga og ólógliga migratión.

Øll 193 ST-londini tóku undir við sáttmálanum í juli uttan USA, sum tók seg burtur úr arbeiðinum við honum í fjør.

Stjórnin í Ungarn, sum undir leiðslu av Viktor Orban, eisini hevur strangan tilflytara- og flóttafólkapolitikk, fer heldur ikki at skriva undir ST-sáttmálan, tá hátíðarhald verður í Marokko í desember. Og Pólland umhugsar at gera tað sama, skrivar Reuters.

- Vit hava gjørt av, at vit fara ikki at vera partur av sáttmálanum, sigur eysturríkski kanslarin, Sebastian Kurz við ORF-útvarpsrásina. 

Konservativi flokkurin hjá Kurz stjórnar Eysturríki saman við Frælsisflokkinum, sum verður roknaður fyri at vera ein flokkur ytst til høgru.
 
Stjórnin í Eysturríki fer tí heldur ikki at taka lut í atkvøðugreiðsluni næsta ár í ST um migratiónssáttmálan, skrivar Reuters.

 
Nýggjastu sendingar í ÚV
Sunnudag 19. mai
Guðstænasta í Vágs kirkju
94633
Leygardag 18. mai
Tá Saddam fór um mark
94010
Leygardag 18. mai
Tosa við foreldrini um tað
94625
Leygardag 18. mai
Morgunlestur leygardagur 18. mai 2019
94155
Nýggjastu sendingar í SV
Sunnudag 19. mai
Andaktin
94638
Sunnudag 19. mai
Guðstænasta úr Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615