Sama svar: staturin noyðist at brúka ES-reglur

Sama svar: staturin noyðist at brúka ES-reglur
Politistøðin í Havn varð boðin út eftir ES-reglum. Tí sleppur danski staturin ikki undan, siga ráðharrar
Nýggja politistøðin í Havn verður í fyrsta lagi liðug á sumri 2020.
 
02.11.2018 - 07:08

Danski staturin noyðist at brúka ES-reglur, tá hann bjóðar út bygging, sum kostar meira enn ES ásetur.

Rasmus Jarlov, vinnumálaráðharri, hevur givið Sjúrði Skaale, fólkatingsmanni, á leið sama svar, sum hin føroyski fólkatingsmaðurin, Magni Arge, fekk frá Ole Birk Olesen, sum er ráðharri í samferðslu og bygging, um politistøðina við Húsagøtu í Havn.

Danska byggifelagið Ommen og Møller fekk arbeiðið at gera politistøðina í gamla bankabygninginum í Havn. 

Arbeiðið kostar nú 138 milliónir krónur. 

Rasmus Jarlov sigur, at øll bygging, sum kostar meira enn 41,3 mió. kr. í 2018 og 2019, skal bjóðast út eftir ES-reglum.

Endurskoðar markið annað hvørt ár

ES endurskoðar markið annað hvørt ár. Markið í løtuni fyri vørur og tænastur er góð ein millión.

Ráðharrin sigur, at undantak kann gerast, um einki tilboð kemur.

Tá ber til at samráðast við veitarar í Føroyum. Men treytin er tó, at upprunaliga útbjóðingartilfarið ikki verður broytt grundleggjandi.

Tvey tilboð komu upp á arbeiðið at gera gamla bankabygningin í Havn til politistøð.

Fýra byggifeløg vórðu undangóðkend, men bara tvey komu við tilboði.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584