Ber illa til at broyta í einum sáttmálaskeiði

Ber illa til at broyta í einum sáttmálaskeiði
Sáttmálin millum Pedagogfelagið og kommunurnar er galdandi til 1.oktober 2020
Bara í Tórshavnar kommunu er brúk fyri 140 dagstovnaplássum afturat.
 
04.11.2018 - 15:59

Tað verður torført at broyta umstøðurnar mitt í einum sáttmálaskeiði, heldur Kommunala arbeiðsgevarafelagið.

Pedagogfelagið heldur, at í staðin fyri at byggja nýggjar stovnar nú, eiga kommunurnar at betra viðurskiftini hjá verandi námsfrøðingum.

Til dømis kunnu fleiri námsfrøðingar fara upp í tíð.

Á tann hátt er tørvur á færri námsfrøðingum, og arbeiðsmegi verður tøk innan verandi hóp til tey nýggju størvini.

Men sáttmálin millum Kommunala arbeiðsgevarafelagið og Pedagogfelagið er galdandi til 1.oktober 2020.

Broytingar verða neyvan gjørdar í einum sáttmálaskeiði, heldur Kommununala arbeiðsgevarafelagið.  

Stórt trot bæði so og so

Tørvurin á dagstovnaplássum er stórt. Bara í Tórshavnar kommunu vanta 140 pláss.

Og til tey 140 plássini er brúk fyri 40 námsfrøðingum.

Sambært Kommunala arbeiðsgevarafelagnum arbeiðir meirilutin av námsfrøðingum niðursetta tíð, nógvir. tí tað vilja teir.

Annika Olsen, sum er forkvinna í Kommunala arbeiðsgevarafelagnum og borgarstjóri í Tórshavnar kommunu, sigur, at ikki ber til at lata vera við at byggja dagstovnar. Brúk er fyri 140 plássum nú bara í Havnini.

Nú er eisini blivið trot á hjálparfólkum til dagstovnarnar.
 
Í onkrum føri er so stórur tørvur á fólki á dagstovnum, at stovnar hava sett avloysarar í starv, sum eru yngri enn 18 ár.

Tað er brot á sáttmálan hjá Pedagogfelagnum.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584