Ljósmøður í verkfall

bannari
08.11.2018 - 09:46
AktueltSamfelag
Ljósmøður í verkfall
Tað er í dag klokkan 15, at ljósmøðurnar fara í verkfall.
 
 

Semingsstovnurin gavst týsdagin við royndunum at fáa eina seming millum Ljósmøðrafelagið og Fíggjarmálaráðið, tí ljósmøðurnar havnaðu uppskotinum, sum fyrilá.

Annika Hoydal, forkvinna í Ljósmøðrafelagnum, segði við Dag og Viku týskvøldið, at Ljósmøðurnar havnaðu semingsuppskotinum, sum varð lagt fram fyri partarnar týsdagin, tí at kravið um løn í mun til ábyrgd ikki varð bjóðað ljósmøðrunum. 

Jóannes Erik Køtlum, sjúkrahússtjóri, hevur sagt við útvarpið, at tey eru farin undir at fyrireika seg til verkfallið, og at tey fara at biðja ljósmøðurnar um undantøk frá verkfallinum, skuldi tørvur verið á tí.

Ljósmøðrafelagið vil ikki siga, hvussu nógv undantøk verða givin, men felagið sigur, at hjálp verður veitt, har hon er neyðug.

- Øll bráðfeingis hjálp verður veitt - tað er at hjálpa til børnum til verðina, og tað, sum ikki er bráðfeingis, verður ikki veitt, segði forkvinnan í Ljósmøðrafelagnum í tíðindasendingini týskvøldið. 

Margit Stórá, varastjóri á Landssjúkrahúsinum, sigur, at Landssjúkrahúsið fer at biðja um neyðug undantøk á føðideildini.

Nýggjastu sendingar í ÚV
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Hósdag 17. januar
Góðan morgun Føroyar 170119
90059
Hósdag 17. januar
Morgunlestur hósdagur 17. januar 2019
89869
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014