Trump sagt løgmálaráðharran úr starvi

08.11.2018 - 09:44
AktueltÚtheimurin
Trump sagt løgmálaráðharran úr starvi
Amerikanski forsetin, Donald Trump segði í gjár løgmálaráðharran, Jeff Sessions úr starvi.
 
 

Amerikanski forsetin, Donald Trump segði í gjár løgmálaráðharran, Jeff Sessions úr starvi og hótti við báli og brandi, um demokratarnir brúka sín nýggja meirluta í Umboðsmannatinginum at seta kanningar í verk av umsitingini og fíggjarligu viðurskiftunum hjá sær.

Vátt kom í reiðsrið millum Trump og Sessions, tá løgmálaráðharrin segði seg vera ógegnigan í sambandi við kanningarnar um, hvørt Russland blandaði seg upp í forsetavalstríðið í 2016.

Reuters skrivar, at Sessions er tann fyrsti av væntandi fleiri útskiftingum, nú Trump fer at fyrireika sítt lið fram móti forsetavalinum í 2020.

Trump hevur útnevnt Matthew Whitaker fyribils at taka yvir eftir Sessions. Whitaker hevur áður verið atfinningarsamur móti serliga kanningarleiðaranum, Robert Mueller, sum enn ikki er liðugur við sítt kanningararbeiði av møguligum sambandi millum Trump-valstríðsliðið og Russland.

Stigið hjá Trump fekk alt fyri eitt demokratarnar at ressast við.

Nancy Pelosi, sitandi forkvinna hjá demokratunum í Umboðsmannatinginum, skrivar á twitter, at stigið er ein roynd at seta fót fyri Russlandskanningini, og hon mælti Whitaker til at skýra seg ógegnigan í øllum, sum hevur við Mueller-kanningina at gera, skrivar Reuters.


 

Nýggjastu sendingar í ÚV
Mánadag 18. mars
Við Tórði á túri til rokútróður
92432
Mánadag 18. mars
Norðurljóð 18.mars 2019
92284
Mánadag 18. mars
Góðan morgun Føroyar 180319
92414
Mánadag 18. mars
Morgunlestur mánadagur 18. mars 2019
91106
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
Afturlit við A-landsliðnum
92429
Mánadag 18. mars
Kappingin harðnar
92426
Mánadag 18. mars
HF Hulda setti met
92427