127 vóru við í lutakasti um 45 grundstykki

09.11.2018 - 07:12
AktueltSamfelag
127 vóru við í lutakasti um 45 grundstykki
Øll, sum boðaðu frá áhuga, sluppu ikki við
Klingurstjørn er í býlinginum undir Kongavarða.
 

127 fólk vóru við í lutakastinum í gjár um tey 45 grundstykkini við Klingurstjørn á Argjum.

Hetta er triðju ferð, at Tórshavnar kommuna lutar út grundøki eftir nýggju tilmeldingarskipanini.

Tveir uttanhýsis advokatar vóru til staðar at vitna og vátta, at alt gekk rætt fyri seg, sigur Tórshavnar kommuna.

Yvir 200 fólk meldaðu seg til lutakastið um tey 45 stykkini, men tá avtornaði vóru 127 við í lutakastinum.

Vantandi fígging

Nøkur sendu ikki kommununi váttan um fígging.

Onnur luku ikki aðrar treytir fyri at vera við í lutakastinum.

Til dømis kunnu pør bara vera skrásett sum ein luttakari í lutakastinum, sigur Tórshavnar kommuna.

Í august skrivaðu byggifelagið Articon og Tórshavnar kommuna undir sáttmála um gera grundstykkini við Klingurstjørn.

Arbeiðið skal verða liðugt 1.august næsta ár.
 

 
Nýggjastu sendingar í ÚV
Týsdag 20. august
Summartímin týsdagin 20. august
97842
Týsdag 20. august
Minibarrin 20. august
97836
Týsdag 20. august
Í fótafari Paulusar - 12. partur
97829
Týsdag 20. august
VAR tað ella VAR tað ikki
97818
Nýggjastu sendingar í SV
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257