Spyr um fiskiskap í íslendskum og føroyskum sjógvi

Spyr um fiskiskap í íslendskum og føroyskum sjógvi
Henrik Old, løgtingsmaður, hevur sett Høgna Hoydal ein fyrispurning
 
10.11.2018 - 16:13

Henrik Old í Javnaðarflokkinum vil hava at vita, hvussu nógv íslendsk skip hava fiskað í føroyskum sjógvi, og hvussu nógv føroysk skip hava fiskað í íslendskum sjógvi síðani 2015.

Hann hevur sett Høgna Hoydal, landsstýrismanni, ein spurning um málið.

Nú árligu fiskivinnusamráðingarnar millum Føroyar og Ísland eru byrjaðar, hava íslendingar gjørt greitt, at teir vilja hava størri javnvág í fiskiveiðiavtaluna við Føroyar.

Íslendska fiskimálaráðið sigur, at fiskiveiðiavtalan við Føroyar gevur Føroyum 160 milliónir kr. um árið.

Føroyar hava 5.600 tons av botnfiski um árið umframt eina lodnukvotu, sum kortini í mesta lagi kann verða 25.000 tons um árið.

Íslendsk skip kunnu fiska svartkjaft, makrel og sild í føroyskum sjógvi, men einki er komið fram um, hvat virði hesin fiskur hevur, sigur Henrik Old í viðmerkingunum til spurningin.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585