Varðhaldsfongslað fyri svik fyri 111 mió. kr.

10.11.2018 - 16:07
AktueltSamfelag
Varðhaldsfongslað fyri svik fyri 111 mió. kr.
Britta Nielsen kann verða dømd upp í átta ára fongsul
Mynd: © Newsbreak.dk  
 
 

64 ára gamla Britta Nielsen, sum er skuldsett fyri at hava svikað danskar stovnar fyri tilsamans 111 milliónir kr., er varðhaldsfongslað til 4. desember.

Hon starvaðist m.a. í danska  Sosialstýrinum og Almannamálaráðnum í 40 ár, og tað er á hesum arbeiðsplássunum, at hon er undir illgruna fyri at hava svikað.

Britta Nielsen er skuldsett fyri datasvik av serliga grovum slag. Hon hevur ikki tikið støðu til, um hon er sek í skuldsetingini ella ikki.

Hon kann verða dømd upp í átta ára fongsul.  

Tá svikið kom undan kavi, var Britta Nielsen farin undir heilt, men fyrr í vikuni varð hon tikin í Johannesburg í Suðurafrika, sum útflýggjaði hana til danskar myndugleikar.

Ein sonur Brittu Nielsen er eisini varðhaldsfongslaður til 4. desember. Hann er skuldsettur fyri at hava verið upp í svikinum saman við mammuni, og fyri at hava brúkt burtur av teimum 111 milliónum krónunum. 

Hann noktar seg sekan.
 

Nýggjastu sendingar í ÚV
Týsdag 13. november
Áðrenn Elvis 13. nov. 2018
87672
Týsdag 13. november
Áðrenn Elvis 18. sep. 2018
87670
Týsdag 13. november
Morgunlestur týsdagur 13. november 2018
87203
Mánadag 12. november
Við Tórði á túri við starvsnæmingum
87623
Nýggjastu sendingar í SV
Mánadag 12. november
3-2
87631
Mánadag 12. november
Miss Perfect (3:6)
87158
Mánadag 12. november
Plastgongustjørnan (2:4)
87361
Sunnudag 11. november
Møti
87560
Sunnudag 11. november
Andaktin
87558