Býur lagdur í oyði eftir skógareld

11.11.2018 - 09:50
AktueltÚtheimurin
Býur lagdur í oyði eftir skógareld
Øll fólk í einum býi har norðuri í Kalifornia eru burturflutt og skúlar og sjúkrahús eru oyðiløgd í herviligum skógareldum síðstu dagarnar
Amerikanski býurin, Paradise, har norðuri í Kalifornia er mest sum lagdur í oyði eftir herviligan skógareld, ið hevur gjørt um seg fyrr í vikuni
Mynd: © AP  
 

Ein býur við 26.000 íbúgvum norðarliga í statinum Kalifornia er mest sum lagdur í oyði eftir herviligan skógareld, ið hevur gjørt um seg fyrr í vikuni.

Fólk í túsundatali eru síðstu dagarnar flýdd undan herviligum skógareldum, millum annað í býnum Paradise, har norðuri í Kalifornia.

Skúlar og sjúkrahús oyðiløgd

- Býurin er oyðilagdur. Alt er oyðilagt, og tað er ikki nógv gott eftir, sigur Scott Mclean, talsmaður hjá sløkkiliðnum í Kalifornia við Reuters.

Skógareldurin hevur herjað í íbúðarøkjum, og hevur gjørt av við bæði skúlar og sjúkrahús, siga sjónarváttar sambært tíðindastovuni.

Fleiri tættbygd øki har norðuri í Kalifornia eru eisini hótt av skógareldum, og fólk, sum rýma frá húsum, koyra langar umvegir fyri at sleppa undan eldinum.

Skógareldarnir ferðast sera skjótt

Nógvur hiti og vindur hava gjørt, at skógareldarnir onkrastaðni har norðuri í Kalifornia síðstu dagarnar hava ferðast útivið 50 kilometrar um tíman.

Tí hevur tað verið trupult hjá myndugleikunum at basa skógareldum, og tað hevur eisini verið trupult at hava tamarhald á skógareldunum, so teir ikki hava breitt seg enn meira.

Enn er ikki greitt, hvussu nógv lív skógareldarnir hava kravt, men fólk hava latið lív, siga umboð fyri myndugleikarnar sambært tíðindastovuni hjá Reuters.

 
Nýggjastu sendingar í ÚV
Leygardag 21. september
Morgunlesturin leygarmorgunin 21. september 2019
98628
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Nýggjastu sendingar í SV
Leygardag 21. september
Kvinnur: HB - EBS/Skala
99004
Leygardag 21. september
Dreingir U17: Vikingur - HB
99003
Leygardag 21. september
Gentur U15: B36 - KÍ, Eilif Arge steypið
99000
Leygardag 21. september
U21 steypafinala: HB-Skála
98994
Fríggjadag 20. september
U18 Gentur: B36-ÍF/Víkingur/B68
98993