- Tíðindi, mentan og ítróttur
VÍF er nýtt oddalið
VÍF er nýtt oddalið í fremstu kvinnuhondbóltskappingini. VÍF vann í dag 30-19, tá tær vitjaðu STÍF á Skála.
Við sigrinum er VÍF nú nummar eitt við ellivu stigum. Tær hava tó spælt tveir dystir fleiri enn H71, sum er á øðrum plássi við tíggju stigum.
Í hinum dystinum, sum varð spældur í dag, vann Neistin 28-22 á Stjørnuni í Klaksvík.
VÍF er eisini oddalið í manskappingini, og vestmenningur styrktu í kvøld sína støðu, tá teir vunnu 29-18 á STÍF á Skála.
Í hinum dystinum, sum varð spældur í kvøld, vann Kyndil 31-21 á Team Klaksvík.
Støðan í oddanum í fremstu deildini hjá monnum er, at VÍF er nummar eitt við ellivu stigum, meðan Kyndil og Neistin eru ávikavist nummar tvey og trý, bæði hava átta stig. Neistin hevur spælt ein dyst færri enn VÍF og Kyndil.