Ætlar at skipa stjórn saman Kristnu demokratunum

12.11.2018 - 11:49
AktueltÚtheimurin
Ætlar at skipa stjórn saman Kristnu demokratunum
Svenski ríkisdagurin fer mikudagin at gera av, um Ulf Kristersson skal verða nýggjur forsætisráðharri
 

Ulf Kristersson, formaður í Moderata flokkinum í Svøríki, ætlar at skipa eina ein minnilutastjórn við Moderata flokkinum og Kristnu demokratunum.

Tað boðaði Ulf Kristersson frá á tíðindafundi fyrrapartin.

Frammanundan kunngjørdi formaðurin í ríkisdegnum, Andreas Norlén, at hann fer at skjóta upp fyri ríkidegnum, at Ulf Kristersson verður forsætisráðharri.

Atkvøðugreiðsla verður í ríkisdegnum mikudagin.

Ulf Kristersson segði á tíðindafundinum, at hann hevur roynt at fáa allar flokkarnar í borgarligu samgonguni, Alliansuni, sum hon verður nevnd, at skipa samgongu, men tað hevur ikki eydnast.

Kortini ætlar hann at reka tann politikkin, sum teir fýra borgarligu flokkarnir høvdu síni valskrá á ríkisdagsvalinum 9. september.

Vónar samstarv

Hann segði, at hóast Miðflokkurin og Liberali flokkurin ikki vilja vera við í stjórnini, so vónar hann, at hesir báðir flokkarnir kunnu samstarva við stjórnina.

Tekur ríkisdagurin ikki undir við at velja Ulf Kristersson til forsætisráðharra, er spurningurin, hvat næsta stig so verður.

Mest sannlíkt er, at formaðurin í ríkisdegnum fer undir eitt nýtt formansumfar, har hann letur floksformonnunum upp í hendur at royna at skipa stjórn.

Síðani valið hevur verið sera trupult at skipa stjórn í Svøríki, serliga tí hvørgin vongurin í svenskum politikki vil samstarva við Svøríkisdemokratarnar.
 

 
Nýggjastu sendingar í ÚV
Mánadag 30. mars
Nón 30. mars 2020
106983
Mánadag 30. mars
Norðurljóð 30.mars 2020
106802
Sunnudag 29. mars
Guðstænasta úr Havnar kirkju
106924
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783