Fimm HIV-tilburðir staðfestir í Grønlandi

Fimm HIV-tilburðir staðfestir í Grønlandi
Fimm fólk í Grønlandi, sum eru millum 20 og 40 ár, hava fingið HIV-smittuna, og landslæknin rópur varskó.
 
15.11.2018 - 12:12

Øll fimm fólkini hava á onkran hátt samband við Sisimiut, men tey búgva ymsa staðni á vesturstrondini.

Henrik Hansen, landslækni, stúrir fyri, at smittan fer at breiða seg, skrivar grønlenska kringvarpið.

Tey fimm, sum eru smittað, eru yngri enn miðalaldurin á teimum, sum fyrr hava fingið HIV.

Landslæknin sigur, at størri vandi er fyri, at smittan fer at breiða seg, tí royndirnar vísa, at hesin aldurbólkurin hevur kynsligt samband við fleiri persónar.

Henrik Hansen dugir ikki at siga, hví fleiri tilburðir av HIV verða staðfestir nú, tí eisini grønlendingar áttu at verið væl upplýstir um vandan. 

Í løtuni eru umleið 70 fólk smittað við HIV í Grønlandi, og tey skulu hava viðgerð og ganga til eftirlit alt lívið.

Syfilis er eisini eitt stórt vandamál í Grønlandi í løtuni, skrivar KNR.

Higartil í ár eru meira enn 100 tilburðir av syfilis skrásettir aftrat.

Henrik Hansen, landslækni, sigur, at sjúkur, sum standast av kynsligum sambandi, eiga at verða tiknar í álvara, tí tær kunnu fáa víðfevnasr avleiðingar fyri tann einstaka og samfelagið, sigur hann. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584