Landsstýrið leitar eftir hølum á Tinganesi

Landsstýrið leitar eftir hølum á Tinganesi
Alt landsstýrið skal vera á Tinganesi. Fiskimálaráðið flytur skjótt
Sethúsini í Tingnesi hevur áður hýst aðalráðum, seinast Vinnumálaráðnum.
 
15.11.2018 - 08:03

Landsstýrið leitar eftir húsum á Tinganesi til aðalráðini.

Men Fiskimálaráðið flytur um ársskiftið í Sethúsini á Tinganesi.

Húsini eru liðug, og Fiskimálaráðið kundi flutt hagar í dag.

Men av tí, at tey hava sera nógv at gera í Fiskimálaráðnum beint nú, hava løgmaður og landsstýrismaðurin í fiskivinnumálum avtalað at útseta flytingina til árskiftið.

Fíggjarnevndin hjá løgtinginum hevur spurt løgmann, hvussu liður við umbyggingini á Tinganesi, og um ætlanin er at hava øll aðalráðini á Tinganesi ella á Tinganesleiðini. 

Trý aðalráð eftir

Tá Fiskimálaráðið er flutt, eru trý aðalráð eftir, sum ikki eru á Tinganesleiðini. 

Løgmansskrivstovan hevur fingið ein arkitekt at gera skitsutekningar um, hvussu nakrir bygningar á Tinganesleiðini kunnu verða brúktir til hesi trý stjórnarráðini, um teir gerast tøkir. 

Aðalráðini eru Mentamálaráðið, Almannamálaráðið og Heilsu- og Innlendismálaráðið.

Evensens pakkhús er millum fremstu raðfestingar í heildarætlanini fyri Tinganes.

Uppskot er um at innrætta Evensens pakkhús til móttøkur, samráðingarhøli, verkætlanararbeiði og fyrilestrasal hjá allari landsfyrisitingini.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584