Almannveitingar skulu eisini geva eftirløn

16.11.2018 - 07:15
AktueltHeilsa
Almannveitingar skulu eisini geva eftirløn
Lógarbroytingar kosta landinum milliónir, men kommunurnar fáa milliónir í skatti
Pensjónsnýskipanin gevur eisini eftirløn av almannaveitingum.
 

Tríggjar lógarbroytingarnar fara at kosta landskassanum 10,4 mió. kr. næsta ár, men útreiðslan veksur so hvørt, sum eftirlønargjaldið veksur hvørt ár til 2026.

Men kommunurnar fáa fleiri pengar, tríggjar milliónir longu næsta ár, tí tær fáa skatt av pensiónsinntøkum.. 

Tá pensjónsnýskipanin varð samtykt, varð samstundis samtykt, at almannaveitingar, sum koma í staðin fyri løn, eisini koma undir eftirlønarlógina.

Tí hevur Eyðgunn Samuelsen, landsstýriskvinna í almannamálum, trý lógaruppskot í tinginum, sum skulu tryggja, at eftirlønargjaldið verður lagt aftur at veitingini, og veitingarnar hækka tí svarandi til eftirlønargjaldið. 

Trý lógaruppskot

Veitingarnar, sum lógaruppskotini fata um, eru forsorgarhjálp, uppihaldsveitingar til arbeiðsfremjandi tiltøk, lønarískoyti til tillagað starv og endurgjald fyri inntøkumiss til teirra, sum heima ansa børnum, sum bera brek.

Broytingarnar skulu koma í gildi á nýggjárinum. 

Eftirlønargjaldið næsta ár verður fimm prosent.

Gjaldið veksur eitt prosent um árið, og verður í 12 prosent 2026.  

 
Nýggjastu sendingar í ÚV
Fríggjadag 27. november
Nón 27. november 2020
116865
Fríggjadag 27. november
Gunnar Restorff er gestur í Dansivali
116855
Fríggjadag 27. november
Góðan morgun Føroyar
116844
Fríggjadag 27. november
Morgunlestur fríggjadagur 27.november 2020
116532
Nýggjastu sendingar í SV
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620