Menningarkvoturnar rigga ikki í praksis

bannari
18.11.2018 - 16:20
AktueltVinna
Menningarkvoturnar rigga ikki í praksis
Kaj Leo Holm Johannesen, Sambandsflokkurin, finst at Fiskimálaráðnum, nú feløg við menningarkvotum hava landað í Fuglafirði.
 

- Tað eru so nógvar treytir við einstøku menningarkvotuni, at feløgini kunnu ikki halda treytina í praksis.

- Og menningarkvoturnar vóru útlutaðar alt ov seint.

Tað sigur Kaj Leo Holm Johannesen, Sambandsflokkurin, nú fýra feløg, sum hava fingið menningarkvotu, hava landað ein part av fiskinum hjá Pelagos í Fuglafirði - og ikki í teimum økjunum, sum kvoturnar eru latnar.

Ein megintreyt við menningarkvotuni er, at hon skal skapa virksemi í økinum, har hon er latin.

Sambandstingmaðurin peikar á, at trupulleikin er í lóggávuni og treytunum.

Og hann undrast eisini á, at umsitingin í Fiskimálaráðnum ikki er meira konsekvent.

- Ein lóggáva skal sjálvandi samsvara við tann praktiska veruleikan, sum flakavirkini liva í. Flakavirkini hava landað í Fuglafirði av neyð.

- Men samstundis, so eigur hetta at vera tað sama, sum við ferðslulógini. Sleppa tú ikki at koyra skjótari enn 80, so kanst tú ikki koyra 150. Eftir lógini eigur Fiskimálaráðið at taka alt aftur.

Og tað heldur tú, at Fiskimálaráðið skal gera í hesum føri?

- Eg veit ikki reiðiliga, uttan at virkini hava sagt sína søgu, hví tey hava landað í Fuglafirði. Er tað so, at fiskurin annars hevði farið til spillis, tí hann rætt og slætt ikki kann brúkast, so eru tað nøkur virði, sum standa upp á spæl.

- Og sum sagt, eg eri bangin fyri, at Fiskimálaráðið hevur bíðað so leingi við at útluta hesar menningarkvoturnar, at avleiðingin kann vera, at nógvur pelagiskur fiskur ikki verður fiskaður. Og tað kann vera eitt stórt bakkast fyri okkara búskap.

Eftirlitið riggar

Høgni Hoydal, landsstýrismaður í fiskivinnumálum, vil ikki gera viðmerkingar til ítøkiligu málini.

Men hann sigur, at hetta er eitt dømi um, at skipanin skal eftirkannast og fáast at virka.

- Men hetta er eisini eitt dømi um, at eftirlitið riggar, sum tað skal, sigur Høgni Hoydal.

Kaj Leo Holm Johannesen er ikki samdur við Høgna Hoydal.

- Eg segði tað við landsstýrismannin, áðrenn hann fór undir hetta eksperimentið. Eg segði við hann, 'vælsignaði, ansa nú eftir, at tit ikki seta virkinum treytir, sum eru ómøgulig at halda'.

- Hetta er ikki lætt at fáast við. Og eg veit eisini, at landsstýrismaðurin var sjálvur skeptiskur um hesar menningarkvoturnar. Hetta er somikið komplekst, at tað kann vera, at tað riggar í teoriini, men í praksis sær hetta absolut ikki út til at rigga.

- At siga, at hetta eru byrjanartrupulleikar er ein bílig umbering, tá tú býtir út kvotur við treytum, sum virkini ikki kunnu halda, sigur Kaj Leo Holm Johannesen, sum er tingmaður fyri Sambandsflokkin.

 
Nýggjastu sendingar í ÚV
Leygardag 21. september
Morgunlesturin leygarmorgunin 21. september 2019
98628
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Nýggjastu sendingar í SV
Leygardag 21. september
Kvinnur: HB - EBS/Skala
99004
Leygardag 21. september
Dreingir U17: Vikingur - HB
99003
Leygardag 21. september
Gentur U15: B36 - KÍ, Eilif Arge steypið
99000
Leygardag 21. september
U21 steypafinala: HB-Skála
98994
Fríggjadag 20. september
U18 Gentur: B36-ÍF/Víkingur/B68
98993