Sáttmáli ikki gjørdur um tríkiljuna enn

19.11.2018 - 07:43
AktueltTøkni
Sáttmáli ikki gjørdur um tríkiljuna enn
Tríkiljan kann sigla á øllum leiðum í sama veðri sum skipini hjá Strandferðsluni
Tríkiljan tekur tríggjar vanliga bilar ella ein stóran.
 

Enn er sáttmáli ikki gjørdur um tríkiljuna hjá Strandfaraskipum landsins.

Ætlanin er, at norsk skipasmiðja skal byggja tríkiljuna.

Men Sjóvinnustýrið hevur ikki góðkent tríkiljuna, sigur løgmaður í svari til Bjørn Kalsø, løgtingsmann.

Aksel V. Johannesen sigur, at tá byrjað varð at fyrireika bátin á vári 2017 spurdu Strandfaraskip Sjóvinnustýrið og fingu at vita, at varð báturin bygdur samsvarandi galdandi altjóða ásetingum, fór hann at verða góðkendur. 

Síðani er komið eitt rundskriv frá danska sjóvinnustýrinum um brunatrygd.

Rundskiv kom seinni

Rundskrivið tykist ikki herða reglurnar um glastrevjabátar, men er meira ein vegleiðing til byggiharra og myndugleika. 

Semja er við Sjóvinnustýrið um, at Strandfaraskip saman við klassanum greina nærri allar galdandi ásetingar, sum síðani verða lagdar fyri Sjóvinnustýrið til góðkenningar. 

Løgmaður sigur, at ongar bindingar eru, sum forða Strandfaraskipum í at sleppa ætlanini at byggja, um tað skuldi hent, at Sjóvinnustýrið ikki góðkennir bátin. 

Løgtingið játtaði fyri hálvum øðrum mánað síðani 34 mió. kr. til tríkiljuna.

Kann brúkast á øllum leiðum

Tríkiljan, sum Strandfaraskip landsins ætla at byggja í Noregi, kemur í staðin fyri Súluna, sum er einasti eykabátur hjá Strandfaraskipum.

Súlan er gomul og sera avmarkað er, hvat hon kann brúkast til. 

Aksel V. Johannesen, løgmaður, sum umsitur samferðslumálini, sigur í svari til Bjørn Kalsø, løgtingsmann, at tríkiljan kann brúkast á øllum leiðum hjá Strandfaraskipum landsins. 

Strandfaraskip hava havt royndan norskan skipara í Føroyum.

Tá hann var her, var fitt av vindi í Fugloy og Svínoy, 20 m/sek. 

Brúka stevnið

Við at leggja stevnið at, ber til at sigla til tær báðar oyggjarnar.

Metingin er, sigur løgmaður, at atløgan í Fugloy og Svínoy verður munin tryggari við nýggja bátinum.

Tríkiljan kann sigla í sama veðri sum hini skipini hjá Strandferðsluni gera. 

Løgmaður sigur í svarinum, at Strandferðslan er í ferð við at gera eitt tilmæli um, hvat fyri skip hóska best til tær ymsu farleiðirnar. 

Mælt verður til at byggja nýggj skip fyri verandi skip.

Tá koyrandi verður í Sandoyartunlinum, kann Teistin seljast fyri ein góðan prís, og pengarnir brúkast til at byggja nýggj skip fyri Rituna, Sam og Ternuna, sigur Aksel V. Johannesen.

 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618