Lægri skatt fyri at leiga út

bannari
Lægri skatt fyri at leiga út
Tingið viðger í dag uppskotið um at hækka skattafría markið fyri langtíðarútleigu
 
20.11.2018 - 06:55

Løgtingið fer í dag at viðgera eitt uppskot frá Kristinu Háfoss, landsstýriskvinnu í fíggjarmálum, um at hækka skattafría markið fyri at langtíðarútleiga bústað úr 50.000 upp í 150.000 kr. um árið.

Treytin fyri at koma undir hesa regluna er, at bústaðurin verður leigaður út í longri tíðarskeið enn tríggjar mánaðir.

Tað ber í sær, at stutttíðar útleiga, sum til dømis Airbnb, framvegis er skattskyldug inntøka, og kemur ikki undir serskipanina.

Kristina Háfoss sigur í viðmerkingunum, at endamálið við uppskotinum er at gera tað skattafrítt hjá smærri útleigarum, sum ikki eru vinnuligir, at leiga út.

Hugsað verður serliga um at stimbra hugin at leiga kømur út, kjallarar ella tóm hús. 

Markið upp á 150.000 krónur er ásett, so tað ikki skal verða skattafrítt hjá stóum vinnuligum útleigarum at leiga út.

Ein tann størsta avbjóðingin til tess at varðveita framgongdina í búskapinum er at loysa bústaðartørvin, serliga eftir leigubústøðum, sum er komin í kjalarvørrinum av stóra vøkstrinum og framgongdini í samfelagnum og vøkstrinum seinastu árini, verður sagt í viðmerkingunum til uppskotið. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585