Hall í fíggjarætlan fíggjað við lánum og gjaldføri

28.11.2018 - 07:17
AktueltPengar
Hall í fíggjarætlan fíggjað við lánum og gjaldføri
Sunda kommunu hevur 36 milliónir krónur í halli næsta ár
Fótbóltssambandið letur 400.000 kr. til ljós við vøllin við Margáir í Streymnesi í Sunda kommunu.
 

Sunda kommuna ætlar at fíggja næsta fíggjarár við millum annað lánum.

Nettoskuldin hjá Sunda kommunu verður 58 mió. kr. við árslok 2019. 

Hallið í fíggjarætlanini fyri næsta ár er 36 mió. kr., og tað verður fíggjað við lántøku og av gjaldførinum hjá kommununi.

Býráðið í Sunda kommunu samtykti mánadagin endaliga fíggjarætlanina fyri 2019.

Inntøkurnar eru mettar at verða góðar 82,2 mió. kr. 

Íløga til skúla og høll

Raksturin fer at kosta slakar 66 milliónir í 2019, og  52,3 mió, kr. og eru settar av til íløgur.

Størsta íløgan, 41,6 milliónir, fer til nýggja skúlan og ítróttahøllini við Streymin.

Hitt fer til útstykking í Saksun, dagstovnar, karmar til ferðavinnu og ítróttaøkið við Margáir í Steymnesi.

Skattaprocentið í Sunda kommunu verður óbroytt næsta ár, 21,5.

Barnafrádrátturin er 5.000, og dagstovnagjøldini verða tey somu.

Broytingar

Nakrar broytingar vórðu gjørdar í fíggjarætlanini, sum hevði seinni viðgerð mánadagin.

Millum annað hevur kommunan fingið 400.000 kr. frá Fótbóltssambandinum til ljós við vøllin við Margáir.

600.000 kr. verða brúktar til ferðavinnu í Saksun og Tjørnuvík, sum Visit Faroe Islands stuðlar.

Og Bussleiðin kostar góðar 300.000 kr. meira enn fyrr mett.

Býráðið í Sunda kommunu samtykti eisini at lata góða millión krónur í eykajáttan í ár. 

 
Nýggjastu sendingar í ÚV
Hósdag 20. februar
Góðan morgun Føroyar 20. februar
105074
Hósdag 20. februar
Oddvør Johannesen er gestur í Dansivali
105071
Hósdag 20. februar
Dagsins yrking - Lyklar
104572
Nýggjastu sendingar í SV
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891
Leygardag 15. februar
Hondbóltur: H71 - Kyndil
104880