Fólkaflokkurin størstur fleiri kanningar á rað

03.12.2018 - 15:01
AktueltPolitikkur
Fólkaflokkurin størstur fleiri kanningar á rað
Seinastu veljarakanningarnar hava allar víst, at Fólkaflokkurin hevði fingið framgongd, um val varð skrivað út.
Jørgen Niclasen er formaður í Fólkaflokkinum.
 

Hetta er ikki fyrsta kanningin, sum vísir, at Fólkaflokkurin hevði verið størsti flokkur, um val var.

Sum nevnt stendur Fólkaflokkurin í nýggju Gallup Føroyar-kanningini at fáa 23,7 prosent og átta tinglimir. Ein framgongd uppá 4,8 prosent sammett við seinasta løgtingsval.

Í oktober gjørdi spyr.fo eina kanning fyri portal.fo. Hon vísti, at Fólkaflokkurin fekk nógv størstu undirtøkuna. Heili 27,5 prosent og níggju tinglimir.

Í september gjørdi spyr.fo eisini eina, og hon vísti somuleiðis, at Fólkaflokkurin hevði verið størsti flokkur. Tá svaraðu 24,6 prosent, at tey høvdu valt Fólkaflokkin, um val var, og tað hevði givið flokkinum átta tinglimir.

Í juli gjørdi Lóður eina meiningarkanning fyri Kringvarpið. Hon vísti, at Javnaðarflokkurin fekk ein dyggan undir vangan við bara 19,2 prosentum og seks tinglimum, sum eru tveir minni enn í dag.

Í so máta er dagsins Gallup-kanning góð tíðindi fyri løgmansflokkin, tí hon vísir, at hóast Javnaðarflokkurin gongur 2,2 prosent aftur, so varðveitir hann sínar átta tinglimir.

Myndin er sostatt tann, at Fólkaflokkurin og Javnaðarflokkurin høvdu verið størstu flokkar, um val var nú, men at samgonguflokkarnir høvdu verið við undirlutan í tingmannatali, tí samgongan fær 16 og andstøðan 17 tinglimir.

 
Nýggjastu sendingar í ÚV
Mikudag 1. apríl
Nón 1. apríl 2020
107084
Mikudag 1. apríl
Áðrenn Elvis
107082
Mikudag 1. apríl
Áðrenn Elvis 1 apríl 2020
107076
Týsdag 31. mars
Nón 31. mars 2020
107038
Nýggjastu sendingar í SV
Mikudag 1. apríl
Savnsgull: Ymisk lív
57373
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790