- Endurspeglar manglandi javnstøðuna

04.12.2018 - 11:32
ÍtrótturFótbóltur
- Endurspeglar manglandi javnstøðuna
Í gjárkvøldið varð Ada Hederberg kosin at vera verðins besti kvinnuligi fótbóltsspælari. Samstundis fekk hon ein heldur óhóskandi spurning.
 
 

"Dugir tú at twerka?" Tann spurningin skuldi Ada Hederberg leggja oyra til, beint eftir at hon hevði tikið ímóti Ballon d'or virðislønini, sum hevur verið handað heimsins besta fótbóltsleikara hjá monnum í nógv ár.

Norska Ada Hederberg var í gjárkvøldið fyrsta kvinna, ið vann Ballon d'or virðislønina. Men tað vakti stóran ans, tá ið Hederberg varð spurd, um hon kundi gera ein lítlan dans, eitt sonevnt twerk, eftir at hon hevði fingið virðislønina.

Hederberg var sjónliga illa við, tá ið hon fekk spurningin frá franska plátuvendarinum, Martin Solveig. Hederberg svaraði stutt "nei", og síðani fór fótbóltsspælarin av pallinum. Hon kom tó upp aftur á pallin seinni, eftir at fleiri heittu á hana um at fullfíggja takkartaluna, skrivar danska kringvarpið.

- Hetta er ein endurspegling av tí manglandi javnstøðuni, sum enn ger seg galdandi í ítrótti, hava fleiri viðmerkt - millum onnur skotski tennisleikarin Andy Murray.

Martin Solveig hevur síðani biðið Adu Hederberg og hyggjararnar um treytaleysa umbering fyri óhepnu útsøgnina.

Hjá monnum vann kroatiski Luka Modric, eftir at teir báðir Christiano Ronaldo úr Portugal og Lionel Messi úr Argentina hava skiftst um at vunnið í tíggju ár á rað.

19 ára gamli fraklendingurin Kylian Mbappe var kosin besti leikari undir 21 ár.

Nýggjastu sendingar í ÚV
Leygardag 15. desember
Also: Tveit ikki barnið úr songini
88979
Leygardag 15. desember
Morgunlestur leygardagur 15. desember 2018
88455
Fríggjadag 14. desember
Síðsta Skríggj 14.desember 2018
88960
Fríggjadag 14. desember
Góðan morgun Føroyar 141218
88950
Nýggjastu sendingar í SV
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893
Mikudag 12. desember
Úr savninum: Gullnám í 60 ár 5:5
88842
Sunnudag 9. desember
Andaktin
88722