Mugu hava nýggjan aðalfund

06.12.2018 - 15:38
AktueltPolitikkur
Mugu hava nýggjan aðalfund
Fólk, sum ikki eru limir í felagnum, atkvøddu á fundinum, sum var í farnu viku, og tí er neyðugt við nýggjum aðalfundi í Streymoyar Sjálvstýrisfelag
Bjørn á Heygum er formaður í Streymoyar Sjálvstýrisfelagi.
 

Órógv er í Streymoyar Sjálvstýrisfelag, og neyðugt er við bæði nýggjum aðalfundi og nýggjum eykaaaðalfundi, tí fólk sum ikki eru limir í felagnum, atkvøddu á fundinum sum var í farnu viku, sigur formaðurin, Bjørn á Heygum.

Allar samtyktir strikaðar

Aðalfundurin og eykaaðalfundurin, sum Streymoyar Sjálvstýrisfelag helt í farnu viku, var ikki sum hann skuldi, og tí er einki av tí, sum varð samtykt á fundinum galdandi.

Tað sigur formaðurin í felagnum, Bjørn á Heygum. Hann sigur, at nevndin hevur tikið avgerð um at lýsa til nýggjan aðalfund og eykaaðalfund.

Fólk, sum ikki vóru limir, atkvøddu

Orsøkin er, at fleiri, sum møttu á aðalfundinum í farnu viku, og sum atkvøddu á fundinum, als ikki eru limir í felagnum. Og tí høvdu tey ikki loyvi at atkvøða, sigur Bjørn á Heygum.

Tað møttu fleiri fólk á aðalfundinum, sum limirnir í nevndini ongantíð høvdu sæð á fundi fyrr, og tá fundurin var liðugur, gjørdi nevndin av at kanna viðurskiftini hjá teimum. Tað vísti seg, at tey ikki vóru limir í felagnum, og tí høvdu tey ikki rætt at atkvøða.

Tí er neyðugt við nýggjum aðalfundi og eykaaðalfundi, men nær hann verður, er ikki avgjørt enn, sigur formaðurin.

Aðalfundur og eykaaðalfundur í einum

At lýst var bæði til aðalfund og eykaaðalfund samstundis, kom av, at viðtøkurnar siga, at minst helvtin av limunum skulu vera á fundi fyri at taka avgerðir. Tað hendir sjálvdan og fyri at kunna avgreiða málini, sum skuldu avgreiðast, var tí lýst til eykaaðalfund beint eftir aðalfundin, tí tá er nóg mikið við vanligum meiriluta.

Men eftir ógreiðu viðurskiftini, sum vóru á fundinum í farnu viku, er neyðugt við nýggjum aðalfundi og eykaaðalfundi, sigur Bjørn á Heygum, formaður í Streymoyar Sjálvstýrisfelag.

 
Nýggjastu sendingar í ÚV
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Leygardag 14. september
Morgunlesturin leygarmorgunin 14. september 2019
98622
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487