Atkvøða um bergholini norður um Fjall

07.12.2018 - 07:38
AktueltPolitikkur
Atkvøða um bergholini norður um Fjall
Løgtingið skal í dag atkvøða um uppskotið hjá tingfólki í andstøðuni um bergholini í Borðoynni
Andstøðan ætlar, at Norðoyatunnilin skal fyrireika verkætlan um berghol í Borðoynni.
 

Løgtingið skal í dag atkvøða um uppskotið hjá tingfólki í andstøðuni um bergholini í Borðoynni.

Samgonguflokkarnir og Sonja Jógvansdóttir í Rættarnevndini taka ikki undir við uppskotinum um. at Norðoyatunnilin skal fyrireika verkætlanina at gera berghol norður um Fjall, og mælir frá at samtykkja tað.

Meirilutin sigur, at ikki er skilagott at taka einstakar verkætlanir, sum longu eru raðfestar, burturúr   samferðsluætlanini hjá Landsverki, og fíggja tær við gjaldsvegum ella tunlum, sum tilvildarliga liggja nærindis.

Tað er eisini ein stór prinsipiell avgerð at leggja dýrar verkætlanir út um fíggjarlógina.

Landsgrannskoðanin hevur fleiri ferðir funnist at hesum leisti, tí íløgurnar hjá landskassanum vera ikki gjøgnumskygdar.

Meirilutin heldur, at skulu berghol norður um Fjall framskundast, er neyðugt, at Hvalbiartunnilin verður gjørdur sum skjótast.

Nevnir einki um fígging 

Andstøðulimirnir í Rættarnevndini taka undir við uppskotinum og mæla tinginum til at samtykkja tað.

Teir siga, at lógaruppskotið hevur einki við at gera, hvør fíggingarleistur verður brúktur, tá bergholin norður um Fjall verða gjørd.

Tá úrslitið av fyrireikingini og forprojekteringini fyriliggur, er ætlanin at koma við endaligum uppskoti í tingið.

So stendur tað til løgtingið at gera av, hvat loysnin verður, bæði viðvíkjandi fígging og linjuføring, siga andstøðuumboðini í Rættarnevndini.

Málið er fyrst á dagsskránni fyri tingfundin í dag, sum byrjar kl.10.00.

 
Nýggjastu sendingar í ÚV
Leygardag 14. desember
Náttargalin úr Kursk
101558
Leygardag 14. desember
Kjakaríið: Heri, Theresa og Rani
102254
Leygardag 14. desember
Leygardagur 14. desember 2019
102257
Leygardag 14. desember
Góðan morgun Føroyar 131219
102247
Leygardag 14. desember
Morgunlesturin leygarmorgunin 14. desember 2019
102181
Nýggjastu sendingar í SV
Fríggjadag 13. desember
Hyggjuráðið 04
102239
Fríggjadag 13. desember
Ummæli: Sorry We Missed You
102231
Fríggjadag 13. desember
Ummæli: Rick and Morty
102227
Fríggjadag 13. desember
Ummæli: Last Christmas
102226
Hósdag 12. desember
Við trøum skal land prýðast
102158