Ikki áhuga fyri samstarvi um sukursjúku

07.12.2018 - 07:01
AktueltHeilsa
Ikki áhuga fyri samstarvi um sukursjúku
Sum nú er ætlar Heilsu- og Innlendismálaráðið ikki at arbeiða víðari við uppskotinum um samstarv við Novo Nordisk-grunnin um viðgerð móti diabetis
Fundur var í Heilsu- og Innlendismálaráðnum um diabetistilboðið 14.juni.
 
 

Sum nú er ætlar Heilsu- og Innlendismálaráðið ikki at arbeiða víðari við uppskotinum um samstarv við Novo Nordisk grunnin um viðgerð móti diabetis, sukursjúku, í Føroyum.

Hetta fekk grunnurin at vita frá aðalstjóranum í Heilsu- og Innlendismálaráðnum tann 23.november.

Partarnir høvdu fund í Havn tann 14.juni. Har vóru fýra fólk frá Novo Nordisk grunninum.

Á fundinum vóru eisini Sjúkrahúsverkið og Apoteksverkið.

Tey frá Novo Nordisk grunninum søgdu, sambært fundarfrágreiðingini, sum Útvarpið hevur fingið innlit í, at ikki var neyðugt, at tey fingu svar úr Føroyum alt fyri eitt.

Tey søgdu eisini, at fundurin 14.juni var á ongan hátt bindandi.

Kunnaði um málið 

Avtalað var á fundinum, at Sirið Stenberg, landsstýriskvinna, kunnaði baklandið, sum sagt verður, sjúkrahúsverkið og politikarar um Novo Nordisk grunnin og hvørjir møguleikar kunna fáast við samstarvi.

Síðani verður støða tikin til samstarv.

Tann støðan varð fráboðað grunninum tann 23.november. 

Ikki áhuga

Og hon er, at í løtuni hevur Heilsu- og Innlendismálaráðið ikki áhuga fyri samstarvi við Novo Nordisk grunnin um diabetissjúklingar í Føroyum. 

Novo Nordisk grunnurin vendi sær til Heilsu- og Innlendismálaráðið í apríl í ár.

Síðst í november frættist, at Novo Nordisk grunnurin fer at byggja eina miðstøð fyri diabetes og aðrar lívsstílssjúkur í Grønlandi. 

Verkætlanin er eitt samstarv millum grønlendska landsstýrið og danska grunnin, sum síðstu tvey árini hevur sett seks milliardir krónur av til at byggja Steno Diabetes miðstøðir í donsku landpørtunum, og eisini í Grønlandi og Føroyum.

Nýggjastu sendingar í ÚV
Leygardag 16. februar
Morgunlestur leygardagur 16. februar 2019
90854
Fríggjadag 15. februar
Pressan: Skert alment innlit um menningarkvotur
91260
Fríggjadag 15. februar
Góðan morgun Føroyar 150219
91259
Fríggjadag 15. februar
Hyggjuráðið: Hoyr nýggju ummælarasendingina
91247
Nýggjastu sendingar í SV
Fríggjadag 15. februar
Lyst 27
91270
Hósdag 14. februar
Stella Polaris 2019
91229
Hósdag 14. februar
Stella Polaris
91224
Mikudag 13. februar
Landafrøðingurin og testamentið (3:8)
90632
Mikudag 13. februar
Matkovin (6:10)
91168