Fiska minni í russiskum sjógvi

08.12.2018 - 10:41
AktueltVinna
Fiska minni í russiskum sjógvi
Føroyingar og russar sleppa at fiska eitt sindur minni hjá hvørjum øðrum næsta ár. Fiskiveiðiavtala var undirskrivað í gjár.
Mynd: © Mynd: Fiskimálaráðið  
 
 

Mynstrið í avtaluni er framvegis, at Føroyar lata Russlandi uppsjóvarfisk í føroyskum sjógvi, afturfyri at Føroyar fáa botnfisk og rækjur í russiskum sjógvi, sigur Fiskimálaráðið.

Lívfrøðiliga ráðgevingin fyri næsta ár er, at veiðan eftir toski og hýsu skal minka. 

Føroyska toskakvotan í russiskum sjógvi í 2019 verður 15.690 tons, og hýsukvotan verður 1.569 tons. Tilsamans lækkar føroyska toska- og hýsukvotan í russiskum sjógvi 6,6 prosent.

Rækjukvotan verður 5.000 tons, og hon er óbroytt. Fiskimálaráðið hevði annars væntað, at rækjukvotan fór at minka, tí fleiri og fleiri skip eru farin at fiska rækjur í Barentshavinum.

Russiska kvotan av svartkjafti í føroyskum sjógvi verður óbroytt næsta ár. Hon er 81.000 tons. Haraftrat sleppur Rusland eisini at fiska nakað av svartkjafti í Føroyum við kvotu, sum landið hevur fingið tillutað gjøgnum NEAF-C.

Hinvegin sleppa russar at fiska nakað minni av makreli og sild í føroyskum sjógvi næsta ár, sambært avtaluni, sum varð undirskrivað í gjár. 

Nýggjastu sendingar í ÚV
Leygardag 16. februar
Morgunlestur leygardagur 16. februar 2019
90854
Fríggjadag 15. februar
Pressan: Skert alment innlit um menningarkvotur
91260
Fríggjadag 15. februar
Góðan morgun Føroyar 150219
91259
Fríggjadag 15. februar
Hyggjuráðið: Hoyr nýggju ummælarasendingina
91247
Nýggjastu sendingar í SV
Fríggjadag 15. februar
Lyst 27
91270
Hósdag 14. februar
Stella Polaris 2019
91229
Hósdag 14. februar
Stella Polaris
91224
Mikudag 13. februar
Landafrøðingurin og testamentið (3:8)
90632
Mikudag 13. februar
Matkovin (6:10)
91168