Rok í gøtunum í París

08.12.2018 - 12:27
AktueltÚtheimurin
Rok í gøtunum í París
Fleiri hundrað fólk eru handtikin í stórum mótmælistiltøkum í franska høvuðsstaðnum.
 
 

Løgreglan brúkar millum annað táragass móti teimum mongu túsund, sum eru farin út á gøturnar at mótmæla millum annað hægri avgjøld á brennievni. Fleiri hundrað fólk eru handtikin í ófriðinum.

Danska uttanríkisráðið mælir dønum í Fraklandi frá at nærkast mótmælistiltøkunum í París og øðrum fronskum býum í dag, tí stórur vandi er fyri harðskapi. 

Løgreglan hevur funnið skímaskur, petangkúlur og vápn í bilum nærhendis økinum við Champs Élysées og sigursboðan, siga tíðindafólk hjá Danmarks Radio, sum eru í París. 

Eini 89.000 løgreglufólk eru á gøtunum í dag - tað er tvær ferðir so nógv sum seinasta leygardag. Hetta fyri at fyribyrgja, at mótmælini, eins og seinasta leygardag, elva til samanbrestir og oyðileggingar. 

Fraklendingar mótmæla millum annað, at franska stjórnin ætlar at hækka oljuavgjøldini í landinum.

Eftir ófriðin seinasta leygardag hevur franska stjórnin slakað og slept upprunaligu ætlanini um at hækka oljuavgjaldið, men ónøgdin er størri enn so. Tí hava fronsku myndugleikarnir fyrireikað seg til ógvusligam ófrið í dag. 

Sum skilst, so ynskja fólk eina nýggja skattaskipan, meira í pensjón og lægri pensónsaldur. 
 

Nýggjastu sendingar í ÚV
Leygardag 16. februar
Morgunlestur leygardagur 16. februar 2019
90854
Fríggjadag 15. februar
Pressan: Skert alment innlit um menningarkvotur
91260
Fríggjadag 15. februar
Góðan morgun Føroyar 150219
91259
Fríggjadag 15. februar
Hyggjuráðið: Hoyr nýggju ummælarasendingina
91247
Nýggjastu sendingar í SV
Fríggjadag 15. februar
Lyst 27
91270
Hósdag 14. februar
Stella Polaris 2019
91229
Hósdag 14. februar
Stella Polaris
91224
Mikudag 13. februar
Landafrøðingurin og testamentið (3:8)
90632
Mikudag 13. februar
Matkovin (6:10)
91168