Nú er álitið um bíligan streym á veg í tingið

Nú er álitið um bíligan streym á veg í tingið
Rættarnevndin hevur biðið um freist til í dag. Í gjár varð samtykt at skriva álit
Uppskotið um bíligari streym til hitapumpur og elbilar kemur nú aftur í tingið.
 
11.12.2018 - 07:22

Rættarnevndin hjá løgtinginum hevur biðið um at fáa freistina longda til í dag, 11. desember, at skriva álit um uppskotið hjá Sirið Stenberg, landsstýriskvinnu, um bíligari streym til elbilar og hitapumpur.

Og álit er á veg.

Pauli Trond Petersen, tingmaður í Tjóðveldi, vildi annars hava málið atkvøtt aftur í tingsalin úr Rættarnevndini, hóast álit tá ikki var skrivað.

Men Kristin Michelsen, tingmaður í Javnaðarflokkinum og formaður í Rættarnevndini, mótmælti harðliga.

Uppskotið hjá Paula Trond Petersen fall.

Níggju atkvøður vóru fyri at fáa málið aftur úr Rættarnevndini, og 16 vóru ímóti. Stóru flokkarnir í samgonguni atkvøddu hvør móti øðrum.   

Hetta var 5. desember.

4. desember bað Rættarnevndin um longda freist, tí møguliga skuldu fleiri innkallingar gerast.

Tær vóru tó ikki. Og í gjár avgjørdi nevndin at skriva álit um málið. 

Málið er gamalt. Tað varð lagt fram 25. september. Rættarnevndin hevur havt tað síðani 23.oktober, tá fyrsta viðgerð var í tinginum.  

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585