Tøkugjaldið hækkar

bannari
11.12.2018 - 09:09
AktueltVinna
Tøkugjaldið hækkar
Uppskotið hjá Poul Michelsen um at broyta skipanina, so tøkugjaldið verður fimm prosent, tá marknaðarprísurin er 36 krónur ella meira, er samtykt.
 

Tøkugjaldið í alivinnuni verður nú broytt.

Løgtingið hevur samtykt uppskotið hjá Poul Michelsen, landsstýrismanni í vinnumálum, um at broyta skipanina soleiðis, at tøkugjaldið verður fimm prosent, tá altjóða marknaðarprísurin er 36 krónur ella hægri

Í løtuni er tøkugjaldið 4,5 prosent, um prísurin er 27 krónur ella meira fyri kilo.

Hinvegin lækkar gjaldið niður í 2,5 prosent, um prísurin er minni enn 36 krónur kilo, men hægri enn 32 krónur kilo.

Gjaldið verður eitt hálvt prosent, fer prísurin niður um 32 krónur fyri kilo.

Broytingarnar hava við sær, at meira tøkugjald kemur í landskassan, tá laksaprísurin er góður, men inntøkan minkar skjótari, tá prísurin lækkar. 

Sambært Fish Pool Index hevur laksaprísurin verið millum 40 og 58 krónur kilo seinasta árið.

Samgonguflokkarnir í vinnunevndini tóku undir við uppskotinum, og mæltu til at samtykkja tað.

Andstøðuflokkarnir mæltu frá at samtykkja uppskotið.

Teir søgdu, at tað er sera óheppið, at gjøldini verða broytt, hvørja ferð eitt fíggjarlógaruppskot verður lagt fram. 

Gjøldini á alivinnuna eru longu broytt fýra ferðir seinastu seks árini, søgdu andstøðuflokkarnir í vinnunevndini.

Uppskotið um at broyta tøkugjaldið varð samtykt við 14 atkvøðum fyri og 10 ímóti.

Uppskotið hjá Poul Michelsen skal hava eina viðgerð í tinginum afturat.

 
Nýggjastu sendingar í ÚV
Leygardag 21. september
Morgunlesturin leygarmorgunin 21. september 2019
98628
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Nýggjastu sendingar í SV
Leygardag 21. september
Kvinnur: HB - EBS/Skala
99004
Leygardag 21. september
Dreingir U17: Vikingur - HB
99003
Leygardag 21. september
Gentur U15: B36 - KÍ, Eilif Arge steypið
99000
Leygardag 21. september
U21 steypafinala: HB-Skála
98994
Fríggjadag 20. september
U18 Gentur: B36-ÍF/Víkingur/B68
98993