- Tíðindi, mentan og ítróttur
Hótta P-vørðarnar í Havn
Hótta P-vørðarnar í Havn
Tórshavnar kommunu ætlar at seta ein P-vørð afturat. Málið er á skránni fyri býráðsfundin í annaðkvøld
12.12.2018 - 12:38
Óhøvisk fólk hótta parkeringarvørðarnar í Havn.
Teir hava tí brúk fyri í nógvum førum at vera tveir í fylgi. Men tað krevur so fleiri fólk.
Og í annaðkvøld fer býráðið í Havn at taka støðu til eitt uppskot um at seta ein parkeringsvørð afturat.
Í dag eru tríggir parkeringsvørðar Tórshavnar kommunu, tveir fulla tíð og ein tríggjar fjórðingar.
Tíðaravmarkaðu bilplássini eru vorðin 27 prosent fleiri seinastu fýra árini.
P-ansingin í Havn gav góðar 300.000 kr. í avlopi í fjør.
Løgreglan, sum varðar av parkeringsvørðunum, sigur, at tað kann als ikki góðtakast, at parkeringsvørðarnir eru so illa mannaðir, at teir eru hóttir, tí teir kunnu ikki vera tveir í fylgi til tyngjandi uppgávur.
Nýggjastu sendingar í ÚV
Nýggjastu sendingar í SV