USA revsar Norðurkorea

12.12.2018 - 08:34
AktueltÚtheimurin
USA revsar Norðurkorea
USA hevur sett tiltøk í verk móti trimum norðurkoreanskum embætismonnum.
 

USA hevur sett tiltøk í verk móti trimum norðurkoreanskum embætismonnum. 

Orsøkin er áhaldandi og álvarsom brot á mannrættindi og sensurur, sigur amerikanska fíggjarmálaráðið.

Tiltøkini eru eisini ein áminning um harðrendu viðferðina av amerikanaranum, Otto Warmbier, stendur í fráboðanini.

Otto Warmbier var ein amerikanskur lesandi, og hann doyði í juni í 2017 eftir at hava sitið fangi í Norðurkorea í umleið hálvt annað ár.

Í summar hittust amerikanski forsetin, Donald Trump, og norðurkoreanski leiðarin, Kim Jong-un, í Singapore.

Hóast útlit vóru til, at viðurskiftini millum USA og Norðurkorea fóru at batna, hevur lítið samband verið millum londini síðani.

Ein av teimum trimum norðurkoreanarunum, sum tiltøk verða sett í verk ímóti, er 68 ára gamli, Choe Ryong-hae.

Hann verður hildin at vera ein av nærmastu sameindu hjá Kim Jong-un.

Tiltøkini bera í sær, at hald verður lagt á virði hjá teimum trimum norðurkoreanarunum í USA, og teir sleppa heldur ikki at gera avtalur við nakran í USA. 

 
Nýggjastu sendingar í ÚV
Nýggjastu sendingar í SV
Mánadag 17. juni
3-2
95742
Mánadag 17. juni
EM hondbóltur: Føroyar - Montenegro
95713
Mánadag 17. juni
Andaktin
95706
Sunnudag 16. juni
EM hondbóltur: Danmark - Føroyar
95711
Mikudag 12. juni
Minnist tú enn? (13:13)
26422