Má hava hjálp til at samtykkja uppskot um streym

13.12.2018 - 07:04
AktueltPolitikkur
Má hava hjálp til at samtykkja uppskot um streym
Samgongan má hava hjálp úr andstøðuni ella frá uttanflokkatingfólkunum til uppskotið um bíligari streym til elbilar og hitapumpur
Bara tey ríku hava ráð til elbil, sigur Kristin Michelsen, tingmaður.
 

Samgongan má hava hjálp úr andstøðuni ella frá uttanflokkatingfólkunum, skal hon hava uppskot sítt um bíligari streym til elbilar og hitapumpur samtykt í løgtinginum.

Kristin Michelsen tekur ikki undir við uppskotinum, og mælir tinginum frá at samtykkja tað.

Rættarnevndin hevur skrivað álit um uppskotið hjá Sirið Stenberg, landsstýriskvinnu, um at broyta elveitingarlógina.

Nevndin býtti seg í tríggjar minnilutar.

Ingolf S. Olsen, Sonja J. Jógvansdóttir og Ruth Vang taka undir við málinum og mæla til, at uppskotið verður samtykt.

Tungolja brúkt at gera bíligan streym

Magnus Rasmussen, Edmund Joensen og Elsebeth Mercedis Gunnleygsdóttir siga, at vit hava fyrst og fremst brúk fyri einari yvirskipaðari og ítøkiligari ætlan um, hvussu vit fáa einar grønar Føroyar. 

Tey halda ikki, at tað er rætt, at tað almenna skal velja serstakar grønar orkuloysnir fyri fólk.

Hetta eiga fólk sjálvi at gera.

Ætlanin hjá landsstýrinum í hesum ítøkiliga málinum er eisini í andsøgn við ætlanina um einar grønar ella grønari Føroyar. 

Uppskotið eggjar til størri streymnýtslu. Og tungolja verður brúkt til at gera hendan streymin, sigur andstøðan í Rættarnevndini. 

Vendir sosialt skeivt

Kristin Michelsen tekur heldur ikki undir við uppskotinum.

Hann heldur, at fyri at fáa streymprísin niður fyri øll, skal elveitingarlógin broytast, so kapping verður um brúkaran. 

Kapping gevur lægri prís, sigur hann.

Hann sigur eisini, at uppskotið hjá Heilsu- og innlendismálaráðnum vendir sosialt skeivt, tí tað eru bara tey vælbjargaðu, sum hava hitapumpu og elbil.

 
Nýggjastu sendingar í ÚV
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Leygardag 19. oktober
Morgunlestur leygardagur 19. oktober 2019
99849
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745