Jose Mourinho koyrdur úr United

18.12.2018 - 10:03
ÍtrótturFótbóltur
Jose Mourinho koyrdur úr United
Umstríddi portugisiski venjarin hjá enska stórfelagnum hevur fingið sekkin og er farin frá beinanvegin. Felagið leitar nú eftir nýggjum venjara
Jose Mourinho, nú fyrrverandi venjari í Manchester United
 

Umstríddi venjarin hjá enska stórfelagnum Manchester United er uppsagdur.

Í stuttari fráboðan frá Manchester United stendur bara, at Jose Mourinho er farin úr felagnum beinanvegin, og at felagið takkar honum fyri arbeiðið og ynskir honum blíðan byr.

55 ára gamli Jose Mourinho hevur verið venjari hjá Manchester United í hálvt triðja ár. Kappingarárið hjá enska stórfelagnum hevur verið sera vánaligt higartil, og liðið liggur á einum sætta pláss, heili 19 stig aftanfyri oddaliðið Liverpool og 11 stig aftan fyri Chelsea á fjórða plássi. Manchester United hevur bara fingið 26 stig fyri fyrstu 17 dystirnar, og er tað vánaligasta úrtøkan hjá stórfelagnum síðani kappingarárið 1990/91.

Ein fyribils venjari verður settur at taka sær av liðnum, tað ið er eftir av verandi kappingarári, meðan leitað verður eftir einum nýggjum venjara.

Síðsti dysturin hjá Jose Mourinho var á Anfield sunnudagin, har Manchester United tapti 3-1 móti Liverpool. Í gjár vóru júst trý ár síðani sami Jose Mourinho fekk fótin í Chelsea, sum tað kappingarárið hevði fingið eina stak vánaliga byrjan.

Fráboðanin frá Manchester United er soljóðandi:

"Manchester United announces that manager Jose Mourinho has left the club with immediate effect. The club would like to thank Jose for his work during his time at Manchester United and to wish him success in the future. A new caretaker manager will be appointed until the end of the current season, while the club conducts a thorough recruitment process for a new, full-time manager."

 

 
Nýggjastu sendingar í ÚV
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Leygardag 14. september
Hetta heilaga Evangeliið skrivar 14. sept. 2019
98491
Leygardag 14. september
Morgunlesturin leygarmorgunin 14. september 2019
98622
Nýggjastu sendingar í SV
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618
Mánadag 9. september
3-2
98522
Sunnudag 8. september
Andakt við Ólavi Øre Hansen
98487