Skattafrádráttur kann elva til spekulatión

bannari
18.12.2018 - 08:06
AktueltPolitikkur
Skattafrádráttur kann elva til spekulatión
Fíggjarnevndin ávarar um at hækka skattafrádráttin fyri leiguinntøkur heilt upp í 150.000 krónur, tí tað kann trýsta sethúsaprísirnar uppeftir
 

Ætlanin hjá landsstýrinum um at hækka skattafría loftið at leiga út bústaðir, úr 50.000 krónum upp í 150.000 krónur, kann føra til spekulatión.

Tað er niðurstøðan hjá fíggjarnevndini í løgtinginum.

Uppskotið um at hækka skattafrádráttin var annars partur av bústaðarpakkanum hjá landsstýrinum, og endamálið við uppskotinum var at eggja fólki til at langtíðarleiga bústaðir, sum annars standa tómir, og harvið bøta um bústaðarneyðina.

Men úrslitið kann gerast júst tað øvugta, heldur fíggjarnevndin.

Nevndin sær fyri sær, at skattafría markið eisini kann hava við sær, at munandi fleiri bústaðir verða keyptir við útleigan fyri eyga. 

Avleiðingin verður øktur eftirspurningur og enn hægri sethúsaprísir. Og tann gongdin tænir ikki teimum, sum frammanundan hava trupult við at fáa føtur undir egið borð.

Tí mælir nevndin til, at skattafría markið í fyrsta umfari bert verður hækkað til 100.000 krónur, og at broytingin í fyrsta umfari bert verður galdandi í trý ár.

Áðrenn hesi trý árini eru farin, skal metast um, hvørt broytingin livir upp til sítt endamál, og um jaliga ávirkanin vigar upp ímóti møguligum neiligum fylgjum av broytingini.

Breiður meiriluti av løgtinginum tók undir við broytingaruppskotinum frá fíggjarnevndini, og samtykti í gjár at hækka skattafrádráttin úr 50.000 krónum upp í 100.000 krónur. 

Málið skal til 3. viðgerð, áðrenn tað er endaliga avgreitt. 

 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618