- Tíðindi, mentan og ítróttur
Taka fangar heim til Grønlands
Taka fangar heim til Grønlands
Miðskeiðis í februar verður greitt, hvussu nógvir grønlendingar, sum eru sendir til Danmarkar í fongsul, verða fluttir til nýggja fongslið í Nuuk
24.12.2018 - 10:38
27 grønlendingar sita í Herstedvester, og teir skulu nú taka støðu til, um teir vilja flytast til Nuuk ella verða verandi í fongslinum í Herstedvester.
Lógin, sum hevur ásetingar fyri at flyta hesar fangar, varð samtykt í Fólkatingium týsdagin í síðstu viku.
- 7. januar verður fundur við hesar fangar um flytingina, har teir verða kunnaðir um flytingina, sigur Naaja Nathanielsen, stjóri fyri kriminalforsorgina í Grønlandi.
Teir 27 fangarnir fáa ein mánað at taka avgerð, um teir vilja flytast. Miðskeiðis í februar verður sostatt greitt, hvussu nógvir flyta.
Lógin um flytingina til Nuuk tryggjar eisini, at fangarnir hava rætt til at angra flytingina til Nuuk fyrstu seks mánaðirnar, skrivar Sermitziaq.ag.
Nýggjastu sendingar í ÚV
Nýggjastu sendingar í SV