Havnin vertsbýur fyri stórari EM-kapping

28.12.2018 - 10:03
ÍtrótturFlogbóltur
Havnin vertsbýur fyri stórari EM-kapping
4. til 6. januar verður EM fyri U16 landslið hjá gentum í flogbólti í høllini á Hálsi í Havn
Mynd: © Flogbóltssamband Føroya  
 
 

4. til 6. januar verður EM fyri U16 landslið hjá gentum í flogbólti í Føroyum. 

Tað er Flogbóltssambandið og Tórshavnar kommuna, sum í felag skipa fyri europameistarakappingini, ið verður í høllini á Hálsi.  

Flogbóltssamband Føroya og Tórshavnar kommuna hava áður hýst bæði EM og HM-kappingum fyrr, men hesaferð verður talan um 6 lond, sum fara at dystast. Øll kappingin verður avgreidd í bara 3 dagar. Tórshavnar kommuna boðar í tíðindaskrivi frá, at annar parturin á høllini verður gjørdur um til dystarhøll, so sum vit kenna tað frá øðrum kappingum og steypafinaluni. Hin parturin av høllini verður venjingarhøll og nýtt til upphiting o.a. í sambandi við kappingina. Hetta verður tí eitt slag av próvtøku hjá øllum pørtum, tí so stór kapping á hægsta altjóða stigi hevur ikki verið í nýggju høllini áður.

- Vit hava góðar vónir í allar mátar og fegnast stórliga um, at vit enn einaferð kunnu hýsa EM-flogbólti í Føroyum” er Magnus Tausen, formaður í flogbólssambandinum endurgivin fyri at siga í tíðindaskrivinum.

EM í gentuflogbólti er ikki einasta stóra ítróttartiltak í januar. 

Vikuskiftið 12. og 13. januar spæla manslandsliðini hjá Føroyum og Grønlandi venjingardyst móti hvørjum øðrum.

Grønland kemur til Føroya á venjingarlegu og í tí sambandi er avgjørt at londini spæla tveir venjingardystir.

Fyrri dysturin verður í Høllini á Hálsi í Havn og senni verður í høllini Vestmanna.

Nýggjastu sendingar í ÚV
Mikudag 16. januar
Nón - 16.01.19
90038
Mikudag 16. januar
Góðan morgun Føroyar 160119
90025
Mikudag 16. januar
Mono 16 januar 2019
90020
Mikudag 16. januar
Morgunlestur mikudagur 16. januar 2019
89868
Nýggjastu sendingar í SV
Mikudag 30. januar
Team Bachstad á ferð (5:6)
90021
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014
Mikudag 16. januar
Til borðs við Price: sviði og pína
89928
Týsdag 15. januar
Tað stóra sjúkrahússtríðið (2:2)
89912