Heimsins børn ganga í skúla

28.12.2018 - 10:18
AktueltSamfelag
Heimsins børn ganga í skúla
Tøl frá Heimsbankanum vísa, at 88 prosent av heimsins gentum og 90 prosent av heimsins dreingjum ganga í grundskúla.
 

88 prosent av heimsins gentum og 90 prosent av heimsins dreingjum ganga nú í grundskúla. Tað vísa tøl frá Heimsbankanum, sum heimasíðan Verdens Bedste Nyheder endurgevur.

Hóast genturnar fyrstu árini eru tvey prosent færri í tali, so eru tær fleiri á hægri lærustovnum. 2002 var fyrsta árið, har fleiri kvinnur enn menn fingu pláss til víðari lestur.

Í dag byrja 112 kvinnur á hægri lærustovni fyri hvørjar 100 menn, vísa tølini frá Heimsbankanum.

Tó er sera stórur munur millum heimsins lond. Tildømis verða bara í miðal sindur meira enn sjey prosent av kvinnunum og 10 prosent av monnunum innskrivað til víðari lestur í londunum sunnan fyri Sahara í Afrika.

Eisini kann stórur munur vera innanhýsis í einstøku londunum.

Í Nigeria duga tildømis bara 4 prosent av fátæku ungu kvinnunum í norðurvestur-Nigeria at lesa og skriva, meðan heili 99 prosent av teimum ríku kvinnunum duga.

 
Nýggjastu sendingar í ÚV
Nýggjastu sendingar í SV
Mánadag 17. juni
3-2
95742
Mánadag 17. juni
EM hondbóltur: Føroyar - Montenegro
95713
Mánadag 17. juni
Andaktin
95706
Sunnudag 16. juni
EM hondbóltur: Danmark - Føroyar
95711
Mikudag 12. juni
Minnist tú enn? (13:13)
26422