Eingin ovasta leiðsla í Kringvarpinum í løtuni

03.01.2019 - 07:52
AktueltSamfelag
Eingin ovasta leiðsla í Kringvarpinum í løtuni
Hóast Mentamálaráðið hevur vitað í nøkur ár, at kringsvarpsstýrið gavst 31.desember 2018, er eingin fráboðan komin haðani um nýtt stýri  
Rúni Heinesen var formaður í kringvarpstýrinum, sum gavst nýggjársaftan.
 

Hóast Mentamálaráðið hevur vitað í nøkur ár, at kringsvarpsstýrið gavst 31.desember 2018, er eingin fráboðan komin haðani um nýtt stýri.  

Stýrið er annars, sambært lógini um kringvarp, ovasta leiðslan í Kringvarpinum.

Stýrið hevur yvirskipaðu ábyrgdina av, at ásetingarnar í kringvarpslógini og øðrum fyriskipanum um virksemi Kringvarpsins verða fylgdar. 

Stýrið skal eisini góðkenna og hava eftirlit við Kringvarpsins rakstrarætlan og roknskapi.

Sjey fólk í stýrinum

Og Stýrið ger starvsskipan fyri virksemið hjá Kringvarpi Føroya, sum landsstýrisfólkið góðkennir.

Sjey fólk manna Kringvarpsstýrið, sum er valt fyri fýra ár.

Politisku flokkarnir í løgtinginum mæla til átta fólk. Millum hesi tilnevnir landsstýrisfólkið fýra stýrislimir.

Landsstýrisfólkið tilnevnir eftir egnari avgerð tveir stýrislimir.

Og starvsfólkið í Kringvarpinum tilnevnir ein stýrislim.   

Landsstýrisfólkið í mentamálum avger, hvør er formaður ella forkvinna og næstformaður ella næstforkvinna í kringvarpsstýrinum.

 
Nýggjastu sendingar í ÚV
Hósdag 12. desember
Breddin
102164
Hósdag 12. desember
Marjun Berg er gestur í Dansivali (2:2)
102148
Hósdag 12. desember
Spyr heldur enn spyr inn til
102150
Hósdag 12. desember
Mono: Sangir í samljóði (3:4)
102157
Hósdag 12. desember
Morgunlesturin hósmorgunin 12. desember 2019
102134
Nýggjastu sendingar í SV
Hósdag 12. desember
Við trøum skal land prýðast
102158
Sunnudag 8. desember
Andakt við Marjuni í Kálvalíð
101975
Sunnudag 8. desember
Møti úr Nebo á Toftum
101977
Leygardag 7. desember
Úr savninum: Frætt & fregnað 11:12
101962