Kommuna av at vita frá Løgtingsins umboðsmanni

04.01.2019 - 07:20
AktueltHeilsa
Kommuna av at vita frá Løgtingsins umboðsmanni
Tórshavnar kommuna hevur orðað seg á ein hátt, sum Løgtingsins umboðsmaður als ikki kann góðtaka
Tórshavnar kommuna fær av at vita í niðurstøðu hjá Løgtingsins umboðsmanni.
 

Tórshavnar kommuna hevur orðað seg á ein hátt, sum Løgtingsins umboðsmaður als ikki kann góðtaka.

Umboðsmaðurin finst at Tórshavnar kommunu fyri í einum ummæli til umboðsmannin at orða seg á ein hátt, sum als ikki sømir seg einum almennum myndugleika og arbeiðsgevara. 

Umboðsmaðurin sigur seg als ikki kunna góðtaka, at Tórshavnar kommuna umrøddi gongdina í málinum sum eina staðfesting av, at klagarin ikki virdi leiðsluna, ikki var samstarvssinnað ella sum eina staðfesting av, at Tórshavnar kommuna onga orsøk hevði til at hava álit á henni. 

Løgtingsins umboðsmaður hevur viðgjørt eina klagu frá Heilsurøktarafelagnum um Heilsu- og umsorganartænastan í Tórshavnar kommuna kundi nokta at seta ein áður uppsagdan heilsurøktara í fast starv við teirri grundgeving, at Tórshavnar kommuna ikki hevur álit á henni.

Setanarbólkurin var annars samdur um at seta heilsurøktaran í fasta starvið.

Løgtingsins umboðsmaður heldur ikki, at avgerðin hjá Tórshavnar kommunu fyri ikki at seta heilsurøktara í fast starv er saklig.

Umboðsmaðurin heitir á Tórshavnar kommunu um at viðgera hetta málið einaferð enn.

 
Nýggjastu sendingar í ÚV
Leygardag 20. juli
Frítíð og náttúra
96938
Fríggjadag 19. juli
Minibarrin 19. juli 2019
96870
Fríggjadag 19. juli
Summartímin hósdagin 18. juli
96921
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747