Rýma úr UNESCO

Rýma úr UNESCO
Um ársskiftið tóku USA og Ísrael seg úr mentanar-, útbúgvingar- og granskingarnevndini hjá ST, sum eitur UNESCO.
UNESCO virkar millum annað fyri at varðveita mentanararvin í øllum heiminum.
 
06.01.2019 - 11:50

Stjórnirnar í USA og Ísrael halda, at nevndin í UNESCO alt ov ofta finst at Ísrael.

Hóast tað ikki fer at hava stórvegis broytingar við sær, so verður mett, at serliga amerikanska stigið hevur týdning, tí USA var við til at stovna UNESCO eftir seinna heimsbardaga.

Longu í oktober í 2017 boðai amerikanski forsetin frá, at USA fór at taka seg úr nevndini, og stutt eftir boðaði ísraelski forsætisráðharrin frá tí sama.

ST sendiharrin hjá Ísrael, Danny Danon, sigur, at landið ikki vil vera partur av eini nevnd, hvørs limir bert tykjast at hava til endamáls at sverta Ísrael.

USA hevur kravt fleiri broytingar í nevndini, sum er mest kend fyri at varðveita mentanararvin í øllum heiminum.

Stovnurin virkar eisini fyri at betra um útbúgvingarmøguleikarnar hjá gentum, kunna um tað sum hendi undir seinna heimsbardaga og at verja talufrælsið.

Fíggjarliga fær avgerðin ikki stórvegis týdning, tí longu í 2011 góvust tey at rinda til stovnin, eftir at palestinar fingu limaskap í UNESCO.

USA hevur einaferð fyrr tikið seg úr UNESCO, tað var í 1984, tá táverandi forsetin, Ronald Reagan, segði, at UNESCO varð nýtt til at fremja sovjettisk áhugamál kring heimin.

19 ár seinni, fleiri ár eftir at Sovjetsamveldið datt sundur, gjørdist USA aftur limur í UNESCO.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585