Kommunur eiga ikki at byggja til øll eldri fólk

Kommunur eiga ikki at byggja til øll eldri fólk
Arbeiðsgevarafelagið mælir frá lógarbroyting, sum gevur kommunum loyvi at útvega bústaðir til eldri fólk, sum klára seg sjálvi
Bústaðir kunnu átaka sær at byggja til tey eldru, halda arbeiðsgevarar.
 
08.01.2019 - 08:00

Um landsstýrið heldur, at brúk er fyri vanligum íbúðum til eldri fólk, sum verandi bústaðarmarknaður ikki megnar at útvega, eiga Bústaðir at útvega teir, heldur enn at fáa fleiri nýggjar almennar aktørar at byggja vanlig býli.

Føroya arbeiðsgevarafelag mælir tí frá at geva kommununum heimild at útvega bústaðir til fólk yvir 64 ár.

Felagið hevur havt uppskot um at broyta lógina um heimatænastu og eldrarøkt til hoyringar. 

Lógaruppskotið er um at loyva kommununum at útvega bústaðir til øll fólk, sum eru eldri enn 64 ár.

Arbeiðsgevarafelagið sigur, at kommunurnar kunnu longu nú gera røktarheim, eldrasambýli, umlættingarpláss og endurvenjingarpláss.

Men felagið heldur tað ikki vera kommunal uppgávu at útvega bústaðir til vanlig fólk.

Lógarbroyting sum hendan ger tað eisini uppaftur minni lokkandi hjá privatum at bjóða seg fram á einum marknaði, sum stór almenn feløg uttan krav um avkast av íløgunum og við stórum pengakassa í rygginum seta sín dám á, heldur Arbeiðsgevarafelagið.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858