Brexit: Bretar flyta til Írlands

10.01.2019 - 12:14
AktueltÚtheimurin
Brexit: Bretar flyta til Írlands
Samstundis sum órógv er í Bretlandi um Brexit, so vísa bæði fólk og fyritøkur Írlandi stóran ans, tí Írland verður verandi í ES
 
 

Seinastu tíðina hevur Írland marknaðarført seg sum landið, ið fólk eiga at leita sær til, og tað hevur eydnast.

Bretar, sum eru í iva, vilja fegnir til Írlands, og í fjør fekk landið um 100.000 umsóknir um írskt pass. Tað er tvífalt so nógv sum undan fólkaatkvøðuni um Brexit í 2016.

Áhugin hjá stórum fíggjarfyritøkum at flyta úr London til Dublin er eisini vaksandi. Í løtuni hava írsku myndugleikarnir yvir 100 umsóknir liggjandi frá altjóða fyritøkum um at sleppa at virka í Írlandi, skrivar Financial Times.

Blaðið skrivar eisini, at fleiri stórar sakførarafyritøkur, ráðgevarafyritøkur og heilivágsfyritøkur hava søkt um loyvi at sleppa at virka í Írlandi.

Nakrar av heimsins størstu fyritøkum hava longu sæti í Írlandi, og tá fíggjerkreppan tók seg upp, endaði alt eins brádliga, og tað byrjaði.

Um 100.000 fólk, serliga ungfólk, fluttu úr landinum, men tey eru nú farin at flyta heim aftur.

Seinastu árini hevur gingið væl, og búskaparvøksturin var 7,5 prosentstig í fjør. Í ár verður roknað við, at vøksturin verður um 5 prosentstig.

Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Bóndin (2:7)
89919
Hósdag 17. januar
Hassans hendur (2:4)
90024
Mikudag 16. januar
Úr savninum: Føroyskt bátasmíð
90005
Mikudag 16. januar
Til borðs við Price: sviði og pína
89928