Burturflutt og horvin í 10 vikur

10.01.2019 - 10:14
AktueltÚtheimurin
Burturflutt og horvin í 10 vikur
Ein 68-ára gomul norsk kona varð burturflutt 31. oktober og hevur verið horvin líka síðani.
Anne-Elisabeth Falkenvik Hagen hevur verið horvin síðan 31. oktober.
 
 

Anne-Elisabeth Falkevik Hagen hvarv úr heimi sínum nærhendis Olso síðst í oktober, og einki lívtekin hevur verið frá henni síðani. Tað váttar norska løgreglan. 

NRK skrivar, at løgreglan í tíggju vikur hevur arbeitt við málinum, men er farin sera varliga fram, tí "álvarsligar hóttanir eru komnar". Brotsmenninir hava kravt loysigjald frá familjuni, sum er sera múgvandi, men løgreglan hevur rátt teimum frá at rinda.

Løgreglan heldur, at Anne-Elisabeth Falkevik Hagen varð tikin úr heimi sínum í Lørenskog um morgunin ella fyrrapartin 31. oktober, sum er tann dagin, norðmenn hátíðarhalda Halloween. 

VG skrivar, at burturflytararnir krevja at fáa níggju milliónir evrur í sokallaðum krypto-valuta, og tað skal vera í Monero, sambært NRK. Krypto-valuta er talgilt gjaldoyra, sum virkar óheft av øllum bankum og landastjórnum.

- Eingin ivi er um, at fyri familjuna er burturflytingin av Anne-Elisabeth ein ræðulig og ómenniskjalig gerð, segði advokaturin hjá familjuni á tíðindafundi seinnapartin mikudagin tann 9. januar. 

Maður Anne-Elisabeth Falkenvik Hagen er vinnulívsmaðurin Tom Hagen. Hann eigur ognir fyri 1,7 milliardir norskar krónur, skrivar NRK.

Løgreglan leitar í løtuni við hundum við húsini hjá hjúninum. Nakað, sum ikki hevur verið møguligt áður, tí málið var loyniligt. 

Á tíðindafundi hósdagin 10. januar segði norska løgreglan millum annað, at eingin er undir illgruna í málinum. Løgreglan sigur, at eingin lívstekin eru, men heldur eingin tekin eru um, at hon er deyð.

Løgreglan hevur nú valt at almannakunngera málið, tí løgregluni tørvar upplýsingar. Síðani mikudagin, tá málið varð kunngjørt, hevur norska løgreglan móttikið yvir 100 áheitanir frá fólki, sum halda seg hava sæð okkurt. Løgreglan vónar at móttaka fleiri upplýsingar í málinum. 

Enn veit løgreglan ikki, hvar Anne-Elisabeth er, og ikki ber til at siga, um hon er í landinum ella ikki. 

Nýggjastu sendingar í ÚV
Mikudag 16. januar
Nón - 16.01.19
90038
Mikudag 16. januar
Góðan morgun Føroyar 160119
90025
Mikudag 16. januar
Mono 16 januar 2019
90020
Mikudag 16. januar
Morgunlestur mikudagur 16. januar 2019
89868
Nýggjastu sendingar í SV
Mikudag 30. januar
Team Bachstad á ferð (5:6)
90021
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014
Mikudag 16. januar
Til borðs við Price: sviði og pína
89928
Týsdag 15. januar
Tað stóra sjúkrahússtríðið (2:2)
89912