Maduro tikin í eið

10.01.2019 - 11:54
AktueltÚtheimurin
Maduro tikin í eið
Forsetin í Venesuela, Nicolás Maduro, verður í dag tikin í eið sum forseti til eitt nýtt seks ára skeið
 

Nógv órógv er í Venesuela og millum grannalondini um forsetan, tí tvíhildið verður um, at forsetavalið ikki var rættvíst.

Millum annað hevur hægstirættardómarin, Christian Zerpa, gjørt av at flýggja til USA, tí hann sigur seg ikki kunna góðkenna forsetan av tí, at valsvik varð framt.

Eftir at Zerpa rýmdi, upplýsti hægstirættur í Venesuela, at ein kanning er sett í verk, tí illgruni er um, at hægstirættardómarin hevur gjørt seg kynsliga inn á fleiri kvinnur, sum starvaðust á skrivstovuni.

Andstøðan í Venesuela mælir til at skipa eina fyribilsstjórn, og at forsetaval verður hildið av nýggjum.

Fleiri av grannalondunum funnust hvassliga at Maduro, tí hann ikki vildi góðtaka, at fleiri andstøðufólk stillaðu upp ímóti honum á forsetavalinum. Og at hann ístaðin setti tey í húsavarðhald, meðan valstríðið var.

Fleiri lond í latínamerika hava heitt á forsetan um ikki at taka við valdinum, tí tey siga seg ikki fara at góðkenna hann sum forseta.

Talan er um londini í sonevnda Limabólkinum, og tey eru: Argentina, Brasil, Kile, Kolumbia, Kosta Rika, Guatemala, Honduras, Meksiko, Panama, Paraguay, Peru, Guyana og Saint Lucia, umframt Kanada.


 

 
Nýggjastu sendingar í ÚV
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Hósdag 18. juli
Summartímin mikudagin 17. juli
96886
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747