Norra umhugsar Huawei-boykot

10.01.2019 - 11:58
AktueltTøkni
Norra umhugsar Huawei-boykot
Norra umhugsar at nokta Huawei at vera við til at menna norska 5G-netið
 

Norra umhugsar at nokta kinesiska felagnum, Huawei, at vera við til at menna norska telefonsamskiftið, tað sonevnda 5G-netið. 

Tað váttar norski løgmálaráðharrin, Tor Mikkel Wara, fyri tíðindastovuni Reuters.

Í Norra eru myndugleikarnir, eins og myndugleikarnir í USA og Bretlandi, ivasamir um felagið, tí líkt er til, at njósnast verður ímóti feløgum og stovnum í øðrum londum.

Bæði USA og Bretland hava noktað fyri, at Huawei verður við til at útbyggja telenetið í teimum londunum. Og møguliga fer Norra at gera tað sama, sigur ráðharrin.

Bæði Telenor og Telia nýta útgerð frá Huawei til sínar 4G-skipanir, men norska stjórnin heldur, at tað av trygdarávum ikki eigur at vera Huawei, sum letur útgerðina til 5G-netið.

Ein orsøk er eisini, at Norra ikki er í trygdarpolittiskum samstarvi við Kina.

Tað eru tríggjar fyritøkur, sum lata útgerð til telenet, tær eru svenska Ericsson, finska Nokia og so kinesiska Huawei.

Bara Huawei er uttanfyri trygdarpolittisku skipanina í Norra, skrivar Reuters.

 
Nýggjastu sendingar í ÚV
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Hósdag 18. juli
Summartímin mikudagin 17. juli
96886
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747