Rúkandi ósamd enn um kommunuskattin

11.01.2019 - 07:47
AktueltPengar
Rúkandi ósamd enn um kommunuskattin
Stríðið millum Fíggjarmálaráðið og kommunurnar um kommunuskattin er av álvara kyknað uppaftur
Kommurnar siga, at tær missa pengar. Tær missa einki, sigur landsstýrið.
 

Stríðið millum Fíggjarmálaráðið og kommunurnar er av álvara kyknað uppaftur.

Fíggjarmálaráðið sigur, at Kommunufelagið villleiðir almenningin.

Kommunufelagið sigur, at landsstýriskvinnan í fíggjarmálum hevur ikki gjørt annað enn at máa burturav inntøkugrundarlagnum hjá kommununum.

Felagið sigur, at lógir hjá landsstýrinum gera, at kommunurnar hava mist meira enn 50 mió. kr. í 2018 og 2019.

Samstundis sparir landskassin 20 mió. kr. 

Orsøkin er lógin um fyritíðarpensjón, sum er broytt, sigur Kommunufelagið.

Missa einki 

Fíggjarmálaráðið svarar, at nógvar lógir geva kommununum fleiri inntøkur.

Og samanumtikið eiga lógarbroytingar, sum koma úr landsstýrinum, ikki at kosta kommununum nakað, sigur Fíggjarmálaráðið, - tvørturímóti.

Fíggjarmálaráðið sigur eisini, at landsstýrið og onnur aðalráð hava havt nógvar fundir við Kommunufelagið, og nógv samskifti hevur verið millum landsstýrið og felagið.

Uppskot er eisini gjørt um semju millum Fíggjarmálaráðið og Kommunufelagið, men tað fekk ikki undirtøku í øllum kommunum.

Men Kommunufelagið sigur, at higartil hevur landsstýriskvinnan Kristina Háfoss ikki gjørt annað enn at máa burturav inntøkugrundarlagnum hjá kommununum.

 
 

 
Nýggjastu sendingar í ÚV
Nýggjastu sendingar í SV
Mánadag 17. juni
3-2
95742
Mánadag 17. juni
EM hondbóltur: Føroyar - Montenegro
95713
Mánadag 17. juni
Andaktin
95706
Sunnudag 16. juni
EM hondbóltur: Danmark - Føroyar
95711
Mikudag 12. juni
Minnist tú enn? (13:13)
26422