Landsstýrismálanevndin ger einki við Rigmor

bannari
16.01.2019 - 11:03
AktueltPolitikkur
Landsstýrismálanevndin ger einki við Rigmor
- Hetta er ikki eitt mál fyri nevndina, sigur meirilutin í Landsstýrismálanevndini eftir fund fyrrapartin
Magnus Rasmussen, formaður í Landsstýrismálanevndini
 

Magnus Rasmussen, formaður í Landsstýrismálanevndini, vísir á, at her er talan um eitt mál, sum hevur verið í løgtinginum. Enntá sum uppskot um misálit á landsstýriskvinnuna.

-Málið vendir øvugt. Tað er viðgjørt í politisku skipanini, og enntá hava limirnir í Landsstýrimálanevndini givið til kennar, hvørja støðu vit hava til hetta málið, sigur Magnus Rasmussen.

-Tað er rættari, at løgmaður kannar málið, tí løgmaður hevur eftirlitsskyldu við sínum landsstýrisfólkum, sigur Magnus Rasmussen.

Magnus Rasmussen hevur alla tíðina verið sannførdur um, at hetta er ikki eitt mál fyri Landsstýrismálanevndina. Tað gjørdi hann greitt í samrøðu við útvarpið 21. desember. Magnus Rasmussen vísti tá til grein-5, stk. 6 í skipanini fyri landsstýrismálanevndina, har tað stendur at "nevndin tekur ikki mál til viðgerðar, tá ið málið snýr seg um, at ein meirútreiðsla er hildin, sum ikki er lógarheimild fyri. Kærur um slík mál verða send løgtingsgrannskoðarnum til víðari viðgerð."

-Løgtingsformaðurin hevur tvær ferðir av tingsins røðarapalli, víst á, at politiska ábyrgdin liggur hjá landsstýriskvinnuni í mentamálum. Men Rigmor Dam hevur tó ikki tikið avleiðingarnar, hóast landsstýrisfólk áður eru farin frá fyri minni enn hetta, sigur Kári P. Højgaard, varalimur í Landsstýrismálanevndini fyri Jógvan Skorheim.

Annita á Fríðriksmørk vildi hava málið kannað í Landsstýrismálanevndini. Løgtingskvinnan vísir á, at undir orðaskiftinum um misálit á Rigmor Dam 19. desember í fjør varð nevnt, at hetta var eitt mál fyri Landsstýrismálanevndina. Tí valdi hon at leggja málið fyri Landsstýrismálanevndina, har hon sjálv situr.

-Nú verður tað so onkur annar, sum ger hesa kanningina, helst verður talan um uttanhýsis løgfrøði, sigur Annita á Fríðriksmørk.

Aksel V. Johannesen hevur áður sagt, at fer Landsstýrismálanevndin ikki at kanna málið, so setir hann í verk eina kanning.

Spurningurin at kanna er, um landsstýriskvinnan í mentamálum hevur brotið lóg um ábygd landsstýrismanna.

 

Grein-5 í lógini um ábyrgd landsstýrismanna er soljóðandi:

§ 5. Løgmaður ella landsstýrismaður verður revsaður, um hann tilætlað ella av grovum ósketni skúgvar til viks tær skyldur, sum liggja á honum sambært løgtingslóg um stýrisskipan Føroya ella lóggávuni annars ella starvsinnihaldi hansara.
Stk. 2. Ásetanin í stk. 1 er eisini galdandi, um so er, at løgmaður ella landsstýrismaður gevur løgtinginum skeivar ella villleiðandi upplýsingar, ella um hann, tá løgtingið viðger eitt mál, tigur við upplýsingum, sum eru av stórum týdningi fyri tingsins meting av málinum.

 

Hoyr meira um málið í tíðindunum klokkan 12:20.

 
Nýggjastu sendingar í ÚV
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Hósdag 18. juli
Summartímin mikudagin 17. juli
96886
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747