Fiskaútflutningurin minkaður nógv

18.01.2019 - 14:05
AktueltSamfelag
Fiskaútflutningurin minkaður nógv
Nýggjasta uppgerðing hjá Hagstovuni vísir, at virðið á fiskaútflutninginum er minkað eina góða milliard.
 

Útflutningurin minkaði eina milliard kr í fjør samanborið við 2017. Tað vísir ein uppgerð hjá Hagstovuni, sum verður almannakunngjørd á heimasíðuni hjá stovninum.

Víst verður á, at ein mánaður restar í til at fáa alt árið við í uppgerðina, men gongdin er greið.

Bæði í nøgd og virði er skrásetti útflutningurin minkaður samanborið við somu mánaðir í fjør. 

Virðið á fiskaútflutninginum er minkað eina góða milliard, tað er 13%. Í nøgd er útflutningurin av fiskavørum minkaður 9%.

Útflutningurin av sild og makreli er minkaður tilsamans 580 milliónir krónur, og útflutningurin av laksi næstan 600 milliónir krónur.

Hinvegin er meira útflutt av toski og hýsu, og meira er eisini útflutt av svartkjafti.

Í bólkinum “aðrar vørur” er eisini ein vøkstur, men her eru skrásetingarnar ikki fullfíggjaðar enn, so tann vøksturin verður helst minni, tá alt 2018 verður uppgjørt um ein mánað.

Innflutningurin var góðar 400 milliónir krónur størri í fjør enn í 2016, ella góðar 7 milliardir krónur.

Av innflutninginum er størsti vøksturin í brennievni við 303 milliónum krónum, svarandi til 35%. 

Síðani kemur innflutningur av maskinum og amboðum við 177 milliónum krónum ella 24%, og á triðja plássi kemur innflutningurin av tilfari til byggivinnuna við 133 milliónum krónumn, svarandi til 21%.
 

 
Nýggjastu sendingar í ÚV
Sunnudag 19. mai
Guðstænasta í Vágs kirkju
94633
Leygardag 18. mai
Tá Saddam fór um mark
94010
Leygardag 18. mai
Tosa við foreldrini um tað
94625
Leygardag 18. mai
Morgunlestur leygardagur 18. mai 2019
94155
Nýggjastu sendingar í SV
Sunnudag 19. mai
Andaktin
94638
Sunnudag 19. mai
Guðstænasta úr Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615