Løfven verður forsætisráðharri

18.01.2019 - 07:53
AktueltÚtheimurin
Løfven verður forsætisráðharri
Svenski ríkisdagurin fer í dag at velja Stefan Løfven til forsætisráðharra
 

Vinstriflokkurin fer at atkvøða blankt, og tí er greitt, at Løfven fær ikki meiriluta ímóti sær í ríkisdegnum.

Stefan Løfven hevur verið virkandi forsætisráðharri síðani ríkisdagsvalið í heyst.

Javnaðarflokkurin og Umhvørvisflokkurin fara at skipa nýggja stjórn, og teir fáa stuðul frá Miðflokkinum og Liberala flokkinum.

Tilsamans hava hesir flokkarnir 167 atkvøður í ríkisdegnum.

Vinstriflokkurin hevur 28 sessir, og hevði verið tungan á vágskálini.

Men formaðurin í Vinstraflokkinum sigur, at flokkurin fer at atkvøða blankt, tí hann hevur fingið vissu fyri, at Vinstriflokkurin eisini fær ávirkan á politikkin hjá nýggju stjórnini.

Andstøðuflokkarnir, sum eru Moderati flokkurin, Kristnu demokratarnir og Svøríkisdemokratarnir, hava tilsamans 154 sessir.

Drude Dahlerup, professari í statsvísindum á lærda háskúlanum í Stokkhólmi, sigur við Ritzau, at tað verður baldrut hjá nýggju stjórnini, tí hon er ein minnilutastjórn, og flokkar á báðum veingjum kunnu fella hana.

- Flokkarnir hava góðan vilja at lata stjórnina royna seg, men eingin ivi er um, at tað verður ófriðarligt á politiska pallinum í Svøríki, sigur Drude Dahlerup. 

 
Nýggjastu sendingar í ÚV
Mánadag 30. mars
Nón 30. mars 2020
106983
Mánadag 30. mars
Norðurljóð 30.mars 2020
106802
Sunnudag 29. mars
Guðstænasta úr Havnar kirkju
106924
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783